Ապօրինի ծագմամբ գույքի բռնագանձման վերաբերյալ նախագիծն առաջիկայում կդրվի հանրային քննարկման
1 րոպեի ընթերցում
![Ապօրինի ծագմամբ գույքի բռնագանձման վերաբերյալ նախագիծն առաջիկայում կդրվի հանրային քննարկման](http://armenpress.am/resized/480/static/news/b/2019/08/985938.jpg)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: «Ապօրինի ծագում ունեցող գույքի բռնագանձման մասին» օրենքի նախագիծը գրեթե պատրաստ է:
Ինչպես տեղեկացնում է «Արմենպրես»-ը, օգոստոսի 26-ին Ազգային ժողովի եվրոպական ինտեգրման հարցերի մշտական հանձնաժողովի անդամների հետ քննարկման ժամանակ այս մասին տեղեկացրեց ՀՀ արդարադատության նախարար Ռուստամ Բադասյանը:
«Առաջին միջազգային եզրակացությունները ստացել ենք և նախագիծը վերանայել ենք: Հավանաբար, այս շաբաթվա վերջին կամ մյուս շաբաթվա սկզբին նախագիծը կդրվի հանրային քննարկման և նոր վերջնական միջազգային փորձաքննության կուղարկվի: Միջազգային կառույցների հետ կա համագործակցություն` կադրերի վերապատրաստման և դասընթացների անցկացման հարցում: Սա ևս հակակոռուպցիոն ռազմավարության անբաժան մասն է և կարևոր քայլ՝ կոռուպցիայի դեմ պայքարում»,- ընդգծեց Բադասյանը: