The Rolling Stones-ն իր անունով ժայռ կունենա Մարսի վրա

ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ԱՄՆ-ի Օդագնացության եւ տիեզերական տարածության հետազոտության ազգային վարչությունը (NASA) Մարսի մակերեւույթի վրա գտնվող ժայռաբեկորը կոչել Է The Rolling Stones ամերիկյան ռոք-խմբի պատվին: Այդ մասին, ինչպես տեղեկացնում Է «Արմենպրես»-ը, հայտնել Է Billboard-ը:

Հայտարարությունն արել Է դերասան Ռոբերտ Դաունի-կրտսերը Փասադենայի (Կալիֆոռնիայի նահանգ) «Ռոուզ Բոուլ» մարզադաշտում խմբի համերգից առաջ:

Երգերի ընդմիջմանը Միք Ջագերը ժամանակ Է գտել ասելու. «NASA-ն մեզ տվեց այն, ինչի մասին մենք միշտ երազում Էինք՝ մեր «ռոքը» (rock անգլերենից թարգմանած նշանակում Է ժայռ) Մարսի վրա: Ես չեմ կարողանում դրան հավատալ»:

«Տասնամյակներ շարունակ The Rolling Stones-ի երաժշտությունը հսկայական ազդեցություն Է ունեցել Երկրի վրա: Այժմ խմբի մասին կիմանան Մարսի վրա»,-գրել են NASA-ի կայքում, հաղորդել Է ՌԻԱ Նովոստին:

The most ambitious crossover announcement in space?@NASAInSight just named "@RollingStones Rock" on Mars in honor of the band. Watch @RobertDowneyJr announce the @NASA news live on stage at the Rose Bowl ahead of tonight's concert. https://t.co/868Gbervw1 #MarsRocks pic.twitter.com/xETMzS0H9y

— NASA JPL (@NASAJPL) August 23, 2019