Կարեն Աբրահամյանը և Անջեյ Կասպշիկը քննարկել են հրադադարի պահպանման ռեժիմի հետագա ամրապնդման հարցեր
1 րոպեի ընթերցում
![Կարեն Աբրահամյանը և Անջեյ Կասպշիկը քննարկել են հրադադարի պահպանման ռեժիմի հետագա ամրապնդման հարցեր](http://armenpress.am/resized/480/static/news/b/2019/07/982726.jpg)
ՍՏԵՓԱՆԱԿԵՐՏ, 24 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության պաշտպանության նախարար, Պաշտպանության բանակի հրամանատար, գեներալ-մայոր Կարեն Աբրահամյանը հուլիսի 24-ին ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկին:
Ինչպես «Արմենպրես»-ին տեղեկացրին Արցախի Հանրապետության պաշտպանության նախարարության մամուլի ծառայությունից, հանդիպման ընթացքում քննարկվել են արցախա-ադրբեջանական հակամարտ զորքերի շփման գծում տիրող օպերատիվ-մարտավարական իրավիճակն ու այն հարցերի համալիրը, որոնք առնչվում են հրադադարի պահպանման ռեժիմի հետագա ամրապնդմանը: