Հունաստանի հայկական համայնքի ներկայացուցիչները Ցեղասպանության տարելիցի կապակցությամբ բողոքի երթ են անցկացրել Աթենքում
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Հունաստանի հայկական համայնքը Հայոց ցեղասպանության 104-րդ տարելիցը հիշատակել է Աթենքի կենտրոնում կայացած բողոքի քայլերթով: Ինչպես հաղորդում է «Արմենպրես»-ը, քայլերթը մեկնարկել է Աթենքի Սինտագմա հրապարակից և ավարտվել Հունաստանում Թուրքիայի դեսպանատան մոտ:
Թուրքիայի դեսպանատան մոտ քայլերթի մասնակիցները ներկայացրել են միջնորդագիր, որով կոչ են արել ճանաչել 1915 թվականին Օսմանյան Կայսրության կողմից հայ ժողովրդի նկատմամբ իրականացված ցեղասպանությունը:
Քայլերթի մասնակիցներին աջակցության խոսքեր են հղել SYRIZA, «Նոր ժողովրդավարություն», «Անկախ Հունաստան» և «Փոփոխության շարժում» երիտասարդական կուսակցությունների ներկայացուցիչները: