«Զվարթնոց» և «Շիրակ» օդանավակայաններում նախատեսվում է իրականացնել ենթակառուցվածքի խոշորացման նախագիծ

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Երևանի «Զվարթնոց» և Գյումրու «Շիրակ» օդանավակայաններում նախատեսվում են վերանորոգման աշխատանքներ։

«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը:

«Զվարթնոց»-ում արդեն իսկ մեկնարկել է թռիչքուղու վերանորոգումը, բացի այդ նախատեսվում է երկու օդանավակայաններում իրականացնել ենթակառուցվածքի մեծացման նախագիծ»,- նշեց նախարար՝ կարևորելով փոքր ավիացիայի զարգացումը:

Նրա խոսքով՝ այս ոլորտում 3 ընկերություն լիցենզիա է ստացել, որոնք ուղղաթիռներ են գնել։

Ուղղաթիռներից մեկը տրամադրվել է առողջապահության նախարարությանը հեռավոր մարզերից ծանր հիվանդներին ավելի արագ Երևան տեղափոխելու համար։