Հայ սակրավորները Սիրիայում 10 հազար քմ ավելի տարածք են ականազերծել
1 րոպեի ընթերցում
![Հայ սակրավորները Սիրիայում 10 հազար քմ ավելի տարածք են ականազերծել](http://armenpress.am/resized/480/static/news/b/2019/04/971421.jpg)
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Սիրիայի Արաբական Հանրապետությունում ՀՀ հումանիտար առաքելություն իրականացնող անձնակազմի սակրավորները մի քանի օր տևած պարապմունքներից և Հալեպի բնակիչներին պատկանող տարածքներում տեխնիկական տեղազննություններ կատարելուց հետո շարունակում են ականազերծման աշխատանքները: «Արմենպրես»-ին այս մասին հայտնեց «Հումանիտար ականազերծման և փորձագիտական կենտրոն»-իհասարակայնությանհետկապերի պատասխանատուՆազելիԷլբակյանը:
«Հումանիտար ականազերծման և փորձագիտական կենտրոնն» ամենօրյա կապի մեջ է խմբի ղեկավար Արա Մարտիրոսյանի հետ: Նրա փոխանցմամբ՝ հանդիպում են և հակատանկային, և հակահետևակային ականների, քիչ չեն նաև ինքնաշեն ականները: Ականազերծման աշխատանքները կատարվում են միջազգային չափորոշիչներին համապատասխան:
Ընդհանուր առմամբ` 10 հազար քառակուսի մետրից ավելի տարածք է ականազերծվել: