Հասարակական

«Գազպրոմ Արմենիա»-ն քննարկում է ծախսերի կրճատման, աշխատողների քանակի վերանայման հարցը

1 րոպեի ընթերցում

«Գազպրոմ Արմենիա»-ն քննարկում է ծախսերի կրճատման, աշխատողների քանակի վերանայման հարցը

ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: «Գազպրոմ Արմենիա» ընկերությունը աշխատանքային քննարկումներ է անցկացնում համակարգի ծախսերի կրճատման շուրջ: «Արմենպրես»-ի հարցմանն ի պատասխան տեղեկացնում է «Գազպրոմ Արմենիա» ընկերության հասարակայնության և ԶԼՄ-ների հետ կապերի ծառայությունը:

«ՀՀ առաքվող բնական գազի գնի փոփոխությամբ պայմանավորված ներկայում աշխատանքային քննարկումներ են ընթանում համալիր հարցերի շուրջ, այդ թվում դիտարկելով նաև համակարգի ծախսերի կրճատման, աշխատողների քանակի վերանայման և հաստիքների կրճատման հարցերը»,-ասված է հաղորդագրության մեջ:

«Գազպրոմ» ընկերությունը 2019 թվականի հունվարի մեկից թանկացրել է Հայաստանին մատակարարվող գազի գինը՝ 150 դոլարից դարձնելով 165 դոլար: ՀՀ վարչապետ Նիկոլ Փաշինյանը հայտարարել է, որ սահմանին ՀՀ մատակարարվող գազի գնի թանկացումը սպառողների վրա ազդեցություն չի ունենա, սպառողների համար գազի սակագինը կմնա նույնը: Նիկոլ Փաշինյանը նաև հայտարարել է, որ դա տեղի չի ունենալու կառավարության սուբսիդավորման հաշվին:

Կարդացեք հոդվածը` EnglishFrançaisРусский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում