1 րոպեի ընթերցում
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը, ով երկօրյա պաշտոնական այցով գտնվում է Իրանի իսլամական Հանրապետությունում, փետրվարի 27-ին «Արարատ» մարզամշակութային կենտրոնում հանդիպել է Իրանի հայ համայնքի ներկայացուցիչների հետ: Ինչպես հաղորդում է «Արմենպրես»-ը, վարչապետը «Ֆեյսբուք»-ի իր էջում կիսվել է հանդիպումից արված սելֆիով:
Այցի շրջանակում ՀՀ վարչապետն արդեն հանդիպումներ է ունեցել Իրանի նախագահ Հասան Ռոհանիի և Իսլամական հեղափոխության գերագույն առաջնորդ Այաթոլլա Սեյեդ Ալի Խամենեիի հետ:
Փետրվարի 28-ին ՀՀ կառավարության ղեկավարը կմեկնի Սպահան, որտեղ հանդիպում կունենա նահանգապետի և հայ համայնքի ներկայացուցիչների հետ: