2 րոպեի ընթերցում
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում ընթացող արտահերթ խորհրդարանական ընտրություններին մասնակցելու իրավունք ունեցող 2 մլն 592 հազար 479 ընտրողներից 17:00-ի դրությամբ քվեարկությանը մասնակցել է 1 միլիոն 25 հազար 2 քաղաքացի կամ 39,54 տոկոսը: «Արմենպրես»-ի հաղորդմամբ` ԿԸՀ տեղեկատվական կենտրոնում այս մասին ասաց ԿԸՀ քարտուղար Արմեն Սմբատյանը:
2017 թ-ի ապրիլի 2-ի ԱԺ ընտրությունների քվեարկությանը ժամը 17:00-ի դրությամբ մասնակցել էր 50,93 տոկոսը, կամ 1 միլիոն 317 հազար 936 ընտրող:
«Թիվ 1 ընտրական տարածքում քվեարկելու իրավունք ունեցողների թիվը ժամը 17:00-ի դրությամբ մասնակցությունների թիվը 78 հազար 382 ընտող կամ 39,01 տոկոս: Թիվ 2 ընտրատարածքում քվեարկելու իրավունք ունեցողների թիվը 213 հազար 578 է, մասնակցողների թիվը 83 հազար 835 է կամ 39,25 տոկոս, թիվ 3 ընտրատեղամասում քվեարկելու իրավունք ունեցող 225 հազար 181 քաղաքացիներից քվեարկությանը դեռ մասնակցել է 83 հազար 661 քաղաքացի կամ 37,15 տոկոսը»,-ներկայացրեց Սմբատյանը:
Մնացած տվյալներին կարելի է ծանոթանալայստեղ:
Մայրաքաղաք Երևանում քվեարկելու իրավունք ունեցող 849 հազար 912 քաղաքացիներից քվեարկությանը մասնակցել է 323 հազար 323-ը կամ ընտրելու իրավունք ունեցողների 38,4 տոկոսը:
Ըստ խոշոր մարզկենտրոնների և մարզերում հազարից ավելի ընտրող ունեցող համայնքների` ամենաակտիվ մասնակցությունը եղել է Կապանում, մասնակցել է ընտրողների 47,44 տոկոսը: Ամենացածր մասնակցությունը եղել է Վաղարշապատում, որտեղ քվեարկել է ընտրողների 30,78 տոկոսը:
«Ընդհանուր առմամբ 2 մլն 592 հազար 479 ընտրողներից 17:00-ի դրությամբ քվեարկությանը մասնակցել է 1 միլիոն 25 հազար 2 քաղաքացի կամ 39,54 տոկոսը»,-ասաց Սմբատյանը: