Արարատ Միրզոյանը կառուցողական է գնահատում Բելառուսի նախագահի հետ ՀԱՊԿ-ի քարտուղարության հարցի շուրջ քննարկումը
1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության առաջին փոխվարչապետի պաշտոնակատար Արարատ Միրզոյանը կառուցողական էգնահատում Մինսկում ԵԱՏՄ անդամ պետությունների կառավարությունների ղեկավարների նեղ կազմով նիստի ընթացքում Բելառուսի նախագահ Ալեքսանդր Լուկաշենկոյի հետ ՀԱՊԿ-ի գլխավոր քարտուղարության շուրջ քննարկումը: Ինչպես հաղորդում է «Արմենպրես»-ը, լրագրողների հետ զրույցում ՀՀ առաջին փոխվարչապետի պաշտոնակատարն ընդգծեց, որ հանդիպման ընթացքում քննարկվել են տարբեր հարցեր, այդ թվում՝ կնճռոտ ու ԵԱՏՄ-ին չվերաբերվող հարցեր:
«Չեմ թաքցնի՝ նաև ՀԱՊԿ-ի գլխավոր քարտուղարի խնդրի մասին ենք խոսել: Մանրամասներ, իհարկե, չեմ հաղորդի, որովհետև փակ քննարկում էր, բայց ուզում եմ վստահեցնել, որ քննարկումը եղել է բավականին կառուցողական»,- ասաց Միրզոյանը:
Արարատ Միրզոյանը հիշեցրեց, որ շուտով լինելու է ՀԱՊԿ անդամ երկրների ղեկավարների հերթական հավաքը՝ հույս հայտնելով, որ այդ ժամանակ խնդիրը լուծում կստանա: