368.54
Կառավարությունն առաջարկում է նախագահի նստավայրը տեղափոխել Բաղրամյան 26, վարչապետինը՝ Կառավարության տուն, համար 1
1 րոպեի ընթերցում
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կառավարությունն առաջարկում է տեղափոխել ՀՀ նախագահի և վարչապետի նստավայրերը:
«Արմենպրես»-ի փոխանցմամբ` այսպիսի որոշում ընդունվեց նոյեմբերի 8-ին կայացած կառավարության նիստում:
«Կառավարությունն առաջարկում է «Պաշտոնատար անձանց գործունեության ապահովման սպասարկման և սոցիալական երաշխիքների մասին» օրենքում կատարել փոփոխություն և Հանրապետության նախագահի նստավայրը Մաշտոցի, 47 հասցեից տեղափոխել Բաղրամյան, 26, իսկ վարչապետի նստավայրը Բաղրամյան, 26 հասցեից տեղափոխել Հանրապետության հրապարակ, Կառավարության տուն, համար 1»,- ասաց Արդարադատության նախարարի պաշտոնակատար Արտակ Զեյնալյանը:
Համապատասխան օրենքում փոփոխություններ ու լրացումներ կատարելու կառավարության առաջարկը կուղարկվի Ազգային ժողով: Խորհրդարանի ընդունումից հետո միայն այն կմտնի ուժի մեջ:
Բաժանորդագրվեք մեր ալիքին Telegram-ում