Վալերի Օսիպյանը ճիշտ է համարում Հունան Պողոսյանին Սյունիքի մարզպետի պաշտոնում նշանակելու վարչապետի որոշումը
1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության ոստիկանության պետ Վալերի Օսիպյանը կարծում է, որ ոստիկանության պետի նախկին առաջին տեղակալ Հունան Պողոսյանը լավ կաշխատի Սյունիքի մարզպետի պաշտոնում: Ինչպես հաղորդում է «Արմենպրես»-ը, Վալերի Օսիպյանը նման կարծիք հայտնեց կառավարության նիստից հետո լրագրողների հետ ճեպազրույցում՝ անդրադառնալով հարցին, թե ինչպե՞ս է վերաբերվում Սյունիքի մարզպետի պաշտոնում Հունան Պողոսյանի նշանակման շուրջ քննադատություններին:
«Վարչապետի որոշումը ճիշտ որոշում էր, և, կարծում եմ, որ Հունան Պողոսյանը լավ կաշխատի»,- ասաց Օսիպյանը:
Հարցին՝ կա՞ն այլ մարդիկ, ովքեր նախկինում պաշտոն են ունեցել և կարող են մաս կազմել նոր կառավարությանը, Վալերի Օսիպյանը պատասխանեց. «Չեմ կարող ասել»: