1 րոպեի ընթերցում
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: 2018թ. ՀՀ աշխատանքի և սոցիալական հարցերի նախարարության էլեկտրոնային տեղեկատվական բազայում, հուլիսի 1-ի դրությամբ, ընդգրկվել է եղել 188 հազար հաշմանդամ, որից 90 հազար 76-ը կանայք են:
«Արմենպրես»-ի հաղորդմամբ, ՀՀ ազգային վիճակագրական ծառայությունը տեղեկացնում է, որ հաշմանդամության կարգ տրվել է արյան շրջանառության, նորագոյացությունների, նյարդային համակարգի, աչքի, հոգեկան և վարքի խանգարումներ ու այլ հիվանդությունների դեպքում:
Հունվար-հունիսին առաջին անգամ հաշմանդամ է ճանաչվել 4 հազար 120 մարդ: Նշված ժամանակահատվածում հաշմանդամ չի ճանաչվել նման կարգավիճակ ստանալու համար դիմած 3 հազար 806 մարդ:
Հաշմանդամություն ունեցող անձանց թվով առաջին տեղում Երևանն է՝ 53 հազար 307, որին հաջորդում են Լոռին՝ 19 հազար 113, Շիրակը՝ 18 հազար 185, Արարատը՝ 17 հազար 958, Գեղարքունիքը՝ 17 հազար 26: