#ԿինոՇաբթի. «Դեդփուլ 2»-ն ու ևս երկու նոր ֆիլմ՝ հայկական կինովարձույթում

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Հինգշաբթին #ԿինոՇաբթի է: «Արմենպրես» լրատվական գործակալությունը շարունակում է ամեն հինգշաբթի ընթերցողին պատմել շաբաթվա կինոպրեմիերաների մասին: Մայիսի 17-ից երևանյան կինոթատրոններում հնարավոր կլինի դիտել բոլորովին նոր 3 ֆիլմ:

«Դեդփուլ 2»

Միակ և անկրկնելի շատախոս վարձու մարդասպանը վերադառնում է: Երբ նրա կյանք է ներխուժում մահացու առաքելությամբ սուպերզինվորը, Դեդփուլը ստիպված է լինում մտածել ընկերության, ընտանիքի և այն մասին, թե ինչ է նշանակում լինել հերոս: Երբեմն լավ բաներ անելու համար պետք է գործել կեղտոտ ձևերով:

Ռեժիսոր՝ Դևիդ Լիտչ, դերերում՝ Ռայան Ռեյնոլդս, Ջոշ Բրոլին, Զազի Բիտց և այլք:

«Նավակողից այն կողմ»

Միլիոնատեր Լեոնարդոն մի օր ընկնում է նավից, որից հետո կորցնում է հիշողությունը:Ատելությամբ լցված Քեյթը որոշում է վրեժ լուծել նրանից և ստում է ներկայանալով որպես Լեոնարդոյի կին և երեք երեխաների մայր:

Ռեժիսոր՝ Ռոբ Գրինբերգ, դերերում՝ Աննա Ֆերիս, Եվա Լոնգորիա, Էուխենիո Դերբես և այլք:

«Տերմինալ»

Ֆիլմը կինոդիտողին կտանի անգլիական հանցավոր և վտանգավոր աշխարհ: Պատմության կենտրոնում մահացած Աննին է, որը տարբեր դերերում է հայտնվում: Նա առաջին հայացքից իրար հետ կապ չունեցող տղամարդկանց հետ բարդ խաղ է խաղում: Հանելով նրանց միմյանց դեմ՝ կինը հետապնդում է իր դաժան նպատակները:

Ռեժիսոր՝ Բոն Սթայն, դերերում՝ Մարգո Ռոբի, Մայք Մայերս, Մաքս Այրոնս և այլք:

Տեղեկացնենք, որ #ԿինոՇաբթի նախագիծը պատրաստվել է «Մոսկվա», «Սինեմա Սթար», «Կինոպարկ» կինոթատրոնների տրամադրած տվյալներով:

Նախագծի հեղինակ՝ Ռոզա Գրիգորյան