1 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: Ֆուտբոլի Եվրոպայի լիգայի եզրափակչի ուղեգիրը նվաճեց Մադրիդի «Ատլետիկո»-ն, որը պատասխան խաղում հաղթեց Լոնդոնի «Արսենալ»-ին:
«Արմենպրես»-ի հաղորդմամբ՝ Եվրոպայի լիգայի կիսաեզրափակչի պատասխան խաղում Մադրիդի «Ատլետիկո»-ի ֆուտբոլիստներին հաջողվեց առաջին խաղակեսի վերջին րոպեին բացել հանդիպման հաշիվը: Աչքի ընկավ Դիեգո Կոստան:Հայասանի ֆուտբոլի ազգային թիմի ավագ Հենրիխ Մխիթարյանը թիմի մեկնարկային կազմում չէր, սակայն փոխարինման դուրս եկավ 68-րդ րոպեին: Երկրորդ կեսում «զինագործները» ոչ մի լուրջ խնդիր չստեղծեցին «Ատլետիկո»-ի համար և «մայրաքաղաքայինները» հաղթելով նվազագույն հաշվով դուրս եկան Եվրոպայի լիգայի եզրափակիչ:
Եվրոպայի լիգայի եզրափակիչը կկայանա մայիսի 16-ին ֆրանսիական Լիոն քաղաքում: