Համագործակցող Հոլանդահայ կազմակերպությունները կազմակերպելու են Մեծ Եղեռնի զոհերի ոգեկոչման միջոցառումներ
1 րոպեի ընթերցում
![Համագործակցող Հոլանդահայ կազմակերպությունները կազմակերպելու են Մեծ Եղեռնի զոհերի ոգեկոչման միջոցառումներ](http://armenpress.am/resized/480/static/news/b/2018/04/930014.jpg)
ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Համագործակցող Հոլանդահայ կազմակերպությունները ապրիլի 17-ի և 24-ին կազմակերպելու են Մեծ Եղեռնի զոհերի ոգեկոչման միջոցառումներ։
Ինչպես «Արմենպրես»-ին տեղեկացրին Հոլանդահայ կազմակերպությունների ֆեդերացիայից (FAON), ապրիլի 17-ին ցույց է կազմակերպվելու Հաագայի Plein հրապարակում՝ Նիդերլանդների կառավարությանկողմից Հայոց ցեղասպանության ճանաչման համար և ընդդեմ իշխանության կողմից Հայոց ցեղասպանությունը «ցեղասպանության հարց» անվանելու։ Հոլանդիայի կառավարությանը ներկայացվելու է
հանրագիր, նախատեսված են հոլանդացի պատգամավորների և այլոց ելույթներ,
բողոքի քայլարշավ Plein հրապարակից մինչև Malieveld դաշտը` թուրքական դեսպանատան դիմաց։
Ապրիլի 24-ին Ասենի «Դե Բոսկամպ» գերեզմանատանը գտնվող Մեծ Եղեռնի հուշարձանի մոտ տեղի կունենա ոգեկոչման արարողություն, որի շրջանակում ծաղկեպսակներ են տեղադրվելու Մեծ Եղեռնի հուշարձանին, գերեզմանատան սրահում կայանելու է օրվա խորհրդին նվիրված հանդիպում, որի շրջանակում կհնչեն ճառեր և գեղարվեստական ելույթներ։