Ազատ ոճային ըմբիշները դեռևս մեդալներ չեն նվաճել «Ալաններ»-ի միջազգային մրցաշարում

ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Վլադիկավկազում մեկնարկած ազատ ոճի ըմբշամարտի «Ալաններ» միջազգային մրցաշարում հայ ըմբիշները առաջինմրցումային օրը մեդալներ չնվաճեցին։

«Արմենպրես»-ի հաղորդմամբ՝ այս մասին հայտնում է ըմբշամարտի ֆեդերացիան: 57 կգ քաշային կարգում բրոնզե մեդալին մոտ էր Միհրան Ջաբուրյանը, սակայն նա 0։10 հաշվով պարտվեց ռուսաստանցիիԱրտյոմ Գեբեկովին։ Հաջողությունը մոտ էր նաև 74 կգ քաշային Վարուժան Կաջոյանին, ով նույնպես կարող էր երրորդմրցանակակիր դառնալ, սակայն որոշիչ գոտեմարտում 0։6 հաշվով տանուլ տվեց գոտեմարտը ռուսաստանցի ԱցամազՍանակոևին։

Նոյեմբերի 19-ին մրցագորգ են դուրս եկել 61-70-86-125 կգ քաշային ըմբիշները։ Ալաններ» մրցաշարի մրցանակային հիմնադրամը 80 հազար դոլար է կազմում, հաղթողը կստանա 5000, 2-րդ ու 3-րդ մրցանանակիրներն էլ՝ 2000 ու 1000 դոլար: