Կարո Փայլանը պարգևատրվել է ԵՊՀ ոսկե մեդալով

3 րոպեի ընթերցում

ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի խորհրդարանի քրդամետ Ժողովուրդների դեմոկրատական կուսակցության հայազգի պատգամավոր Կարո Փայլանը սեպտեմբերի 19-ին հյուրնկալվել է Երևանի պետական համալսարանի արևելագիտության ֆակուլտետում: Ուսանողների հետ հանդիպման ժամանակ ԵՊՀ պրոռեկտոր Ռուբեն Մարկոսյանը Փայլանին հանձնեց բուհի ոսկե մեդալ:

Ներկայացնելով հյուրին՝ Արևելագիտության ֆակուլտետի փոխդեկան Ռուբեն Մելքոնյանը շեշտեց, որ Հայաստանի երրորդ Հանրապետության հռչակումից հետո Կարո Փայլանը Թուրքիայի խորհրդարանի առաջին հայազգի պատգամավորն:

«Նա առաջինն է, ով Թուրքիայի խորհրդարանում բարձրաձայնել է Հայոց ցեղասպանության խնդիրը: Կարո Փայլանը մինչև պատգամավոր ընտրվելը եղել է Թուրքիայի հայ համայնքի ակտիվ գործիչներից մեկը և հատկապես զբաղվել է կրթական խնդիրներով»,- ընդգծեց Ռուբեն Մելքոնյանը:

Արևելագիտության ֆակուլտետի փոխդեկանը կարևորեց նաև, որ Կարո Փայլանը զբաղվում է, ոչ միայն հայ համայնքի շահերի պաշտպանությամբ և խնդիրների բարձրաձայնմամբ, այլև նրա գործունեության օրակարգում է Թուրքիայի Հանրապետության փոքրամասնությունների խնդիրներն ու իրավունքների պաշտպանությունը:

Ինչպես հաղորդում է «Արմենպրես»-ը, Կարո Փայլանը ԵՊՀ ուսանողներին ողջույնի խոսք ուղղելուց հետո պատասխանեց նաև ուսանողների հարցերին:

«Ես շատ ուրախ եմ, որ գտնվում եմ Հայաստանում և որ առիթ ունեցա Երևանի պետական համալսարանում ձեզ հետ հանդիպելու: Ակտիվ երիտասարդներին տեսնելով՝ Հայաստանի և մեր ապագայի հանդեպ լցվում եմ մեծ հույսով: Ինչպես գիտեք, ես Թուրքիայի քաղաքացի եմ և թուրքական խորհրդարանի պատգամավոր, իսկ պատգամավոր դառնալուց հետո առաջին անգամ եմ գտնվում Հայաստանում:

Ես պայքարում եմ Թուրքիայում ժողովրդավարության հաստատման համար: Կարծում եմ՝ հայերը նույնպես պետք է մասնակցեն Թուրքիայում ժողովրդավարության հաստատման գործին: Այս գործը սկսել է Հրանտ Դինքը, և մենք շարունակում ենք»,- ուսանողներին ողջունեց Կարո Փայլանը:

Այն հարցին, թե ինչ հանգամանքներում է Փայլանը պատկերացնում Թուրքիայի կողմից Հայոց ցեղասպանության ճանաչումը, Թուրքիայի մեջլիսի պատգամավորը շեշտեց, որ դա, ըստ իրեն, հնարավոր է այդ երկրում ժողովրդավարության հաստատման արդյունքում:

Հայերեն العربية English Русский

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա