Ջիջի Հադիդն իրեն փորձել Է զարդերի դիզայների դերում
2 րոպեի ընթերցում
![Ջիջի Հադիդն իրեն փորձել Է զարդերի դիզայների դերում](http://armenpress.am/resized/480/static/news/b/2017/09/905689.jpg)
Գերմոդելի ոսկերչական շարքը տեղ Է գտել Muve բեսթսելլերի հավաքածուում, որի հոբելյանը նշում Է բրենդը: Ջիջի Հադիդի շարքում ներկայացված են շղթա-թեւնոցներ, մատանիներ եւ տարբեր երանգների ոսկուց պատրաստված կախազարդեր՝ կենտրոնի երկարավուն մասնիկով՝ կլորացված եզրերով եւ 57 նիստերով դասական երեսակմամբ խոշոր շարժական ադամանդով (հենց այս դետալն Է տվել հավաքածուի անվանումը. move անգլերենից թարգմանված նշանակում Է «շարժում»):
Ջիջի Հադիդն ամերիկացի մոդել Է, Tom Ford-ի մի քանի շարքերի դեմքը եւ Victoria’s Secret-ի «հրեշտակներից» մեկը: Բացի այդ, նա նկարահանվել Է 2015 թվականի Pirelli օրացույցի համար եւ հավաքածուներ Է թողարկում Tommy Hilfiger-ի եւ Vogue Eyewear-ի համար: 2016 թվականի դեկտեմբերին Նորաձեւության բրիտանական խորհուրդը նրան ճանաչել Է տարվա մոդել:
2017 թվականի ամռանը հայտարարվել Է, որ Ջիջի Հադիդը դարձել Է Missoni իտալական մակնիշի նոր դեմքը, մակնիշ, որն արտադրում Է տրիկոտաժից պատրաստված լյուքս դասի ապրանքներ եւ տեքստիլ՝ տան համար: