Մարսելում հրդեհի հետևանքով մահացել է ՀՀ երեք քաղաքացի
1 րոպեի ընթերցում
![Մարսելում հրդեհի հետևանքով մահացել է ՀՀ երեք քաղաքացի](http://armenpress.am/resized/480/static/news/b/2017/05/892443.jpg)
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Ֆրանսիական Մարսել քաղաքի շենքերից մեկում բռնկված հրդեհի հետևանքով մահացած 4 անձանցից 3-ը ՀՀ քաղաքացիներ են: Այդ մասին «Արմենպրես»-ին տեղեկացրեց ՀՀ արտաքին գործերի նախարարության մամուլի խոսնակ Տիգրան Բալայանը՝ ավելացնելով, որ հրդեհի հետևանքով մահացել է Քոչարյանների ընտանիքի 3 անդամ, իսկ ընտանիքի հայրը՝ Արսեն Քոչարյանը, այրվածքներով տեղափոխվել է հիվանդանոց:
Հրդեհը բազմահարկ շենքում բռնկվել է գիշերը ժամը 03.00-ի սահմաններում։ Տարհանվել է 20 բնակիչ:
Մարսելի դատախազ Քսավիե Տարաբոն նշել է, որ առայժմ հայտնի չէ հրդեհի պատճառը, կատարվում է քննություն: Մարսելի քաղաքապետ Ժան-Կլոդ Գոդենն իր հերթին նշել է, որ խորապես ցավում է տեղի ունեցածի կապակցությամբ իր ցավակցությունները հայտնել զոհերի հարազատներին: