3 րոպեի ընթերցում
ԵՐԵՎԱՆ, 11 ՄԱՅԻՍԻ, ԱՐՄԵՆՊՐԵՍ: «Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
Հայաստանի և Չինաստանի կառավարությունները կկնքեն համաձայնագիր տեխնիկատնտեսական համագործակցությունը զարգացնելու համար: Այս մասին համաձայնագրին հավանության տալու հարցը ներառված է այսօր` մայիսի 11-ին, կայանալիք ՀՀ կառավարության նիստի օրակարգում: Գործադրի օրակարգում ներառված է մոտ երկու տասնյակ հարց ևս:
Հայոց ցեղասպանության թանգարան-ինստիտուտում կներկայացվի ամերիկահայ գրող, հասարակական գործիչ Աննա Աստվածատրյան-Տուրկոտի «Ոչ մի տեղ. աքսորի պատմություն» գրքի ռուսերեն հրատարակությունը: Գիրքը գրված է 14-ամյա Աննայի օրագրային գրառումների հիման վրա: Գրքում նկարագրված են Բաքվում ադրբեջանցիների կողմից կազմակերպած հայերի ջարդերը, արտացոլված են թե՛ պատմական իրադարձություններ, թե՛ մարդկային պատմություններ:
ԲՈՒՀ-երում սկսվել է հայտերի ընդունման գործընթացը: Վերջին տարիներին մասնագիտությունների պահանջվածության ի՞նչ միտումներ են նկատվում, բուհերում առաջարկվող ի՞նչ նոր կրթական ծրագրեր կան: ԵՊՀ ընդունող հանձնաժողովի պատասխանատու քարտուղար Վաչագան Գալստյանը, Խ.Աբովյանի անվան հայկական պետական մանկավարժական համալսարանի ընդունող հանձնաժողովի քարտուղար Արտաշես Մարտիրոսյանը կանդրադառնան այս հարցերին: Քննարկվում է Երևանից դեպի Շարմ Էլ Շեյխ և Հուրգադա կանոնավոր ուղիղ չվերթներ իրականացնելու հարցը: Այսօր «ԱՆՌԻՎԱ-ՏՈՒՐ» տուրօերատորի և «AIR CAIRO» ավիաընկերության ներկայացուցիչները կհանդիպեն լրագրողների հետ: Նախատեսված է պայմանագրի կնքում։
Թանգարանների միջազգային օրվան ընդառաջ լրագրողների հետ հանդիպմանը կներկայացվեն Թանգարանային կրթության կենտրոնի ծրագրերը։ Այս տարի Հայաստանի տարբեր թանգարաններից ընտրված մասնագետների խումբը Ռումինիայում և Գերմանիայում վերապատրաստման դասընթաց անցնելու հնարավորություն կստանա։ Ծրագրի վերաբերյալ մանրամասներ կներկայացնեն «ԴԻ-ՎԻ-ՎԻ Ինթերնեյշնլ» հայաստանյան մասնաճյուղի տնօրեն Լուսինե Խառատյանը, Թանգարանային կրթության կենտրոնի համակարգող Հայկ Մկրտչյանը, Վանաձորի կերպարվեստի թանգարանի փոխտնօրեն Հայկուհի Ավագյանը:
Գրողների միությունում տեղի կունենա արձակագիր Սամվել Բեգլարյանի «Ցուրտ երկիր, տաք կայարան» պատմվածքների ժողովածուի շնորհանդեսը:
Այս և այլ թեմաների մասին կարող եք մանրամասն ընթերցելarmenpress.amկայք էջում և լսել լրատվական ռադիոյի եթերում: Հետևեք մեզթվիթերումևֆեյսբուքում: