4 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ: «Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
Գործադիրը կհաստատի Մարդու իրավունքների պաշտպանության ազգային ռազմավարությունից բխող 2017-2019 թվականների գործողությունների ծրագիրը: Այս հարցը ներառված է այսօր` մայիսի 4-ին, կայանալիք կառավարության հերթական նիստում: Այս նախագիծը Մարդու իրավունքների պաշտպանության 2014-2016 թվականների ծրագրի տրամաբանական շարունակությունն է: Այն բաղկացած է 96 միջոցառումից: Կառավարության նիստի օրակարգում ներառված են 20-ից ավելի այլ հարցեր:
Այսօր կներկայացվեն «ԵՄ-ի եւ Հայաստանի միջեւ վիզաների տրամադրման պարզեցման մասին» համաձայնագրի երրորդ մոնիթորինգի արդյունքները: Միջոցառման կազմակերպիչներն են Գլոբալիզացիայի և տարածաշրջանային համագործակցության վերլուծական կենտրոնը (ԳՏՀՎԿ) եւ Բաց հասարակության հիմնադրամներ Հայաստանը:
Հայաստանի ազգային պոլիտեխնիկական համալսարանում կանցկացվի ՏՏ ոլորտում ՀՀ նախագահի ամենամյա կրթական պարգևի մրցանակաբաշխության հանձնաժողովի անդամների հանդիպումը 2017թ. Մրցանակների հավակնորդների հետ:
Մայիսի 7-ին Երևանի Հաղթանակ զբոսայգուց մեկնարկելու է «Հանուն հաղթանակի և խաղաղության» նշանաբանով կազմակերպվող մասսայական վազքը: Միջոցառմանն ընդառաջ ՀՀ սպորտի և երիտասարդության հարցերի նախարարությունում այսօր լրագրողների հետ հանդիպմանը կազմակերպիչները կներկայացնեն մանրամասներ:
ՀՀ սփյուռքի նախարարությունում կանցկացվի «Հայկական պատմամշակութային արժեքները Մերձավոր Սփյուռքում» թեմայով կլոր սեղան-քննարկում, որի ընթացքում զեկույցով հանդես կգա Հայկական ճարտարապետությունն ուսումնասիրող հիմնադրամի ղեկավար, հուշարձանագետ Սամվել Կարապետյանը: Կլոր սեղան-քննարկմանը կմասնակցեն ՀՀ սփյուռքի նախարար Հրանուշ Հակոբյանը, մտավորականներ, հյուրեր:
ԵՊՀ մշակութաբանության ամբիոնի վարիչ, Արցախի Տիգրանակերտի արշավախմբի ղեկավար Համլետ Պետրոսյանը, Արցախի Քարինտակ գյուղի քարանձավի արշավախմբի ղեկավար Լևոն Եպիսկոպոսյանը կներկայացնեն Արցախում կատարվող հնագիտական աշխատանքների արդյունքները:
Մայիսի 4-5-ը կկայանան Նորարարություններին ուղղված համաֆինանսավորվող դրամաշնորհային մրցույթի ու Գիտական և տեխնոլոգիական ձեռներեցության ծրագրի (STEP) եզրափակիչ փուլերը: Բիզնես զարգացման աջակցությանն ու նորարարությանն ուղղված այս 2 մրցույթներին կմասնակցեն և իրենց նորարար գաղափարները կներկայացնեն շուրջ 40 թիմեր և ընկերություններ: Մրցույթների մրցանակաբաշխությունը կկայանա մայիսի 5-ին:
Երևանում կանցկացվի «Հայտնի, բայց չբացահայտված Տերյանը» խորագրով հանդիպում Վահան Տերյանի ծոռան՝ գրականագետ Գևորգ Էմին-Տերյանի հետ: Տերյանի քաղաքական գործունեությունը և պատմության տեսանկյունից բացառիկ արժեք ներկայացնող հայ որբերի հուշերը՝ հավաքագրված Տերյանի կողմից, կբացահայտվեն Վահան Տերյանի ծոռան՝ գրականագետ Գևորգ Էմին-Տերյանի հետ միասին:
Այս և այլ թեմաների մասին կարող եք մանրամասն ընթերցելarmenpress.amկայք էջում և լսել լրատվական ռադիոյի եթերում: Հետևեք մեզթվիթերումևֆեյսբուքում: