Գեղարքունիքի մարզում 2017 թվականի ապրիլին ծնվել է 125 երեխա
1 րոպեի ընթերցում
![Գեղարքունիքի մարզում 2017 թվականի ապրիլին ծնվել է 125 երեխա](http://armenpress.am/resized/480/static/news/b/2017/05/889147.jpg)
ԳԱՎԱՌ, 3 ՄԱՅԻՍԻ, ԱՐՄԵՆՊՐԵՍ: Գեղարքունիքի մարզում 2017 թվականի ապրիլին լույս աշխարհ է եկել 125 երեխա՝ 69 տղա եւ 59 աղջիկ: Ինչպես «Արմենպրես»-ին տեղեկացրին Գեղարքունիքի մարզպետարանի աշխատակազմի առողջապահության եւ սոցիալական ապահովության վարչությունից, 39 երեխա ծնվել է Մարտունու ծննդատանը, 35-ը՝ Վարդենիսի հիվանդանոցում, 23-ը՝ Սեւանի ԲԿ-ում, 20-ը՝ Գավառի ԲԿ-ում եւ 8-ը՝ Ճամբարակի ԱԿ-ում:
Նույն աղբյուրի հավաստմամբ՝ 2016 թվականի ապրիլին Գեղարքունիքում գրանցվել է 132 ծնունդ: Ընդ որում, այս տարի, նախորդ ապրիլի համեմատ ծնունդների թվի որոշակի նվազում, 13 ծնունդ, արձանագրվել է Մարտունու տարածաշրջանում: Փոխարենը նախորդ ապրիլ համեմատ 7-ով ավելացել է ծնունդների թիվը Վարդենիսի տարածաշրջանում:
Խոսրով Խլղաթյան