1 րոպեի ընթերցում
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Թուրքիայի մեջլիսի հայ պատգամավոր Գարո Փայլանը մայիսի 2-ին այցելել է Կանադահայոց թեմի առաջնորդարան, որտեղ նրան ջերմորեն ընդունել են թեմի առաջնորդ Գերշ. Տ. Աբգար եպիսկոպոս Հովակիմյանն ու Մոնրեալի և Լավալի Հայաստանյաց Առաքելական եկեղեցու արժանապատիվ քահանա հայրերը: Այս մասին «Արմենպրես»-ին տեղեկացրին Կանադահայոց թեմից:
Սրբազան Հայրը Փայլանին է ներկայացրել Մոնրեալի Սուրբ Գրիգոր Լուսավորիչ առաջնորդանիստ եկեղեցին ու նրան հրավիրել հանդիպման եկեղեցու հոգևոր հայրերի ու տեղի հայ համայնքի ղեկավարների հետ: