1 րոպեի ընթերցում
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Գիտնականները տեսահոլովակ են նկարահանել Հարավային օվկիանոսի ջրերում՝ խցիկը տեղակայելով կետի մեջքին: Տեսահոլովակին ուշադրություն Է դարձրել Mashable պորտալը, տեղեկացնում Է «Արմենպրես»-ը:
«Գիտնականները խցիկներ են տեղակայել, որպեսզի պարզեն Անտարկտիկայում կետերի կյանքի հետ կապված գաղտնիքները,- ասված Է Վայրի բնության համաշխարհային հիմնադրամի (WWF) տեսագրության մեկնաբանության մեջ:- Դա թույլ Է տվել տեղեկատվություն հավաքել այն մասին, թե երբ եւ ինչպես են սնվում կետերը, նրանց սոցիալական կյանքի մասին»:
«Մեզ հաջողվեց ցույց տալ, որ օրվա զգալի մասը կետերն անցկացնում են հանգստի վիճակում կամ հաղորդակցվում են, իսկ սնվում են հիմնականում երեկոյան եւ գիշերը»,- նշել Է կետերի ուսումնասիրման առաջատար մասնագետ Արի Ֆրիդլենդերը: