3 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: «Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
Հայաստանի Հանրապետության Նախագահ Սերժ Սարգսյանն աշխատանքային այցով մեկնել է Արաբական Միացյալ Էմիրություններ՝ մասնակցելու այսօր` մարտի 22-ին, Աբու Դաբիում կայանալիք հայ-էմիրաթյան ներդրումային համաժողովին: Համաժողովի անցկացման վերաբերյալ պայմանավորվածություն էր ձեռք բերվել անցյալ տարեվերջին ՀՀ նախագահի` ԱՄԷ պաշտոնական այցի ժամանակ:
Լրագրողների հետ կհանդիպի ՌԴ-ում Հայաստանի արտակարգ և լիազոր դեսպան Վարդան Տողանյանը: Նա կպատմի Ռուսաստանում Հայաստանի դեսպանի պաշտոնում իր առաջին 10 օրերին կատարած աշխատանքների մասին և կներկայացնի հայ-ռուսական հարաբերությունների զարգացման իր տեսլականը։
Մարտի 22-ը Ջրի համաշխարհային օրն է: Օրվա առթիվ լրագրողների հետ կհանդիպեն Ջրային տնտեսության պետական կոմիտեի նախագահի տեղակալ Վոլոդյա Նարիմանյանը, ջրաբան Քնարիկ Հովհաննիսյանը: Անդրադարձ կկատարվի Հայաստանի ջրային ռեսուրսներին, ջրամատակարարման համակարգի խնդիրներին:
Ինչո՞ւ տեր չենք կանգնում մեր մշակութային ժառանգությանն ինչպես Հայաստանում, այնպես էլ՝ դրսում: Լրագրողների հետ հանդիպմանն այսպիսի հարցադրում է պատրաստվում բարձրացնել բեմադրող ռեժիսոր, նկարիչ, սցենարիստ Սուքիաս Թորոսյանը:
Պուշկինի անվան ռուսաց լեզվի պետական ինստիտուտի և Խաչատուր Աբովյանի անվան հայկական պետական մանկավարժական համալսարանի միջև կստորագրվի համագործակցության համաձայնագիր: Ա.Ս.Պուշկինի անվան ռուսաց լեզվի պետական ինստիտուտի ռեկտոր Մարգարիտա Ռուսեցկայային կշնորհվի Խաչատուր Աբովյանի անվան ՀՊՄՀ Պատվավոր դոկտորի կոչում:
Մարտի 14-16-ը Թբիլիսում կայացած դասական երգեցողության միջազգային մրցույթում Հայաստանը ներկայացրած մեներգիչներն արժանացել են գրեթեր բոլոր մրցանակների` ստանալով նաև գլխավոր մրցանակը` Գրան պրին: «Տենոր ասոցիացիա»-ի նախագահ Կարեն Զոհրաբյանը, մրցույթին մասնակցած դասական մեներգիչները կպատմեն գրանցած հաջողությունների մասին:
Կոմիտասի թանգարան-ինստիտուտում տեղի կունենա դասական երաժշտության բնագավառում ՀՀ նախագահի 2016 թվականի Երիտասարդական մրցանակ գործիքային կատարում անվանակարգ հավակնորդների առաջին՝ ընտրական փուլը:
Արամ Խաչատրյան համերգասրահում կանցկացվի «Ջազ միացում NEW YORK-ԵՐԵՎԱՆ» խորագրով համերգ: Վահագն Հայրապետյանի «NEW YORK-ԵՐԵՎԱՆ» ջազային կվինտետն առաջին անգամ նոր երաժշտական երկխոսությունով ելույթ կունենա Հայաստանի պետական կամերային նվագախմբի հետ: Համերգային նախագիծն իրականացվում է Մշակույթի նախարարության աջակցությամբ:
Այս և այլ թեմաների մասին կարող եք մանրամասն ընթերցելarmenpress.amկայք էջում և լսել լրատվական ռադիոյի եթերում: Հետևեք մեզթվիթերումևֆեյսբուքում: