Պոլ Պոգբան բաց կթողնի «Մանչեսթեր Յունայթեդ»-ի առաջիկա հանդիպումը

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Ֆուտբոլի Եվրոպայի լիգայի 1/8 եզրափակչի «Մանչեսթեր Յունայթեդ»-«Ռոստով» խաղի ժամանակ ստացած վնասվածքի պատճառով «կարմիր սատանաների» առաջիկա հանդիպումը բաց կթողնի Պոլ Պոգբան:

«Արմենպրես»-ի հաղորդմամբ` այս մասին տեղեկացնում է «Մանչեսթեր Յունայթեդ»-ի պաշտոնական կայքը: Մոուրինյոն լրագրողների հետ հանդիպման ժամանակ ասել է, որ Պոգբան բաց կթողնի «Միդելսբրո»-ի դեմ առաջիկա հանդիպումը և հնարավոր է չի օգնի Ֆրանսիայի ֆուտբոլի ազգային թիմի առաջիկա խաղին:

Ֆուտբոլի Եվրոպայի լիգայի 1/8 եզրափակչի պատասխան խաղում «Մանչեսթեր Յունայթեդ»-ը նվազագույն հաշվով գերազանցեց ռուսական «Ռոստով»-ին: Հայաստանի ազգային թիմի ավագ Հենրիխ Մխիթարյանը մեկնարկային կազմում էր և մասնակցեց ամբողջ հանդիպմանը: