3 րոպեի ընթերցում
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: «Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
Առողջապահության համաշխարհային կազմակերպության կողմից փետրվարի 4-ն ամբողջ աշխարհում նշվում է որպես քաղցկեղի դեմ պայքարի միջազգային օր: Այդ օրը զանազան միջոցառումներ են անցկացվում աշխարհի տարբեր երկրներում: Օրվան ընդառաջ, այսօր` փետրվարի 3-ին, ՀՀ ԱՆ բժշկական օգնության քաղաքականության վարչության պետ Ծաղիկ Վարդանյանը և Յոլյանի անվ. արյունաբանական կենտրոնի բուժական գծով փոխտնօրեն Նատա Մելկիկյանը, ուռուցքաբաններ կանդրադառնան թեմային: Կներկայացնեն ուռուցքային հիվանդությունների տարածվածության, կանխարգելիչ միջոցառումների մասին տվյալներ: Մասնագետները կանդրադառնան նաև ոլորտի խնդիրներին:
Ի՞նչ ազդեցություն կարող են ունենալ մերձավորարևելյան զարգացումները Հայաստանի արտաքին քաղաքական օրակարգի վրա: «Հայացք» կիրառական քաղաքականության և հետազոտությունների վերլուծական կենտրոնի փորձագետ Արփինե Հովսեփյանը, ՀՀ ԱԺ պատգամավոր, «Եվրոպական ինտեգրացիա» ՀԿ–ի ղեկավար Կարեն Բեքարյանը կներկայացնեն իրենց վերլուծությունները:
Ներքաղաքական անցուդարձից: «Ալյանս» կուսակցության հիմնադիր, ԱԺ պատգամավոր Տիգրան Ուրիխանյանը, Համերաշխություն կուսակցության նախագահ Սարգիս Ավետիսյանը կհանդիպեն լրագրողներին: «Ալյանս» կուսակցության հիմնադիր, պատգամավոր Տիգրան Ուրիխանյանը կհայտարարի, թե որ դաշինքով է մասնակցելու ընտրություններին: Համերաշխություն կուսակցության նախագահ Սարգիս Ավետիսյանն էլ կներկայացնի իրենց կուսակցության դիրքորոշումը:
Լրագրողների հետ կհանդիպի նաև «Աքիլես» ավտովարորդների իրավունքների պաշտպանության կենտրոն ՀԿ նախագահ Էդուարդ Հովհաննիսյանը, այս անգամ նրա հետ կլիենեն նաև տուգանված վարորդներ: Էդուարդ Հովհաննիսյանը կներկայացնի ճանապարհատրանսպորտային պատահարների վերաբերյալ վիճակագրական տվյալներ, կանդրադառնա ոլորտի խնդիրներին:
Հայաստանի գրողների միությունում տեղի կունենա ՀՀ կրթության և գիտության նախարար Լևոն Մկրտչյանի հանդիպումը դրողների միության նախագահության անդամների հետ: Քննարկվելու են «Գրականության» և«Մայրենի լեզվի» դասագրքերի հրատարակմանն առնչվող հարցեր:
ԹՈՒՄՈ ստեղծարար տեխնոլոգիաների կենտրոնում տեղի կունենա «Ֆինանսական ֆուտբոլ» խաղի շնորհանդեսը:Միջոցառումը կազմակերպվում է ՎԻԶԱ միջազգային վճարումների կազմակերպության և ՀՀ կենտրոնական բանկի համատեղ: Միջոցառումը կրելու է ինտերակտիվ բնույթ, որի ընթացքում մասնակիցները հնարավորություն կունենան ծանոթանալու նոր ներդրված խաղին:
Այս և այլ թեմաների մասին կարող եք մանրամասն ընթերցելarmenpress.amկայք էջում և լսել լրատվական ռադիոյի եթերում: Հետևեք մեզթվիթերումևֆեյսբուքում