Հենրիխ Մխիթարյանը գալիք տարվա հետ կապված մեծ հույսեր ունի

ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ավագ, անգլիական «Մանչեստր Յունայթեդ»-ի կիսապաշտպան Հենրիխ Մխիթարյանը խոսել է 2017 թվականի սպասելիքներից:

«Ուզում եմ, որ 2017 թվականը «Մանչեստր Յունայթեդ»-ի և ֆուտբոլիստների համար լավ տարի լինի: Լիահույս եմ, որ լավ տարի կլինի, և մենք կպայքարենք բոլորի տիտղոսների համար: Թեպետ դեռ հեռու ենք առաջատարներից, սակայն չենք հանձնվել և մի շարք հանդիպումներ ունենք առաջիկայում»,-«Արմենպրես»-ի հաղորդմամբ` Մխիթարյանի խոսքը մեջ է բերում The Times of India-ն:

Անգլիայի առաջնության 17-րդ տուրից հետո «կարմիր սատանաներն» ունեն 30 միավոր և 6-րդ տեղում են: