5 րոպեի ընթերցում
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծն ամփոփում է այս տարվա սեպտեմբերի ցուցանիշները: Վարկանիշային աղյուսակի առաջին հորիզոնականում «Հեքիաթներ արքայադուստրերի մասին» գիրքն է: «Արքայադուստր Լինդան», «Կեռնեխ թագավորը» և «Ոսկեծամիկը» հեքիաթները դաստիարակչական են, անչափ հուզիչ և գեղեցիկ: Այս բոլոր հեքիաթները մեկտեղած են վերոնշյալ գրքում, որը կազմել է «Բուկինիստ» հրատարակչությունը:
Երկրորդ տեղում «Հեքիաթներ բարու և չարի մասին» ստեղծագործությունն է, որը ևս կազմել է Բուկինիստը:
«Ագահ Մեդոկը», «Ֆինվարայի կախարդական գավաթը» և «Հավեյն ասպետի պսակադրությունը» տղաներին կսովորեցնեն լինել քաջ, բարի, մեծահոգի և հնարամիտ: Դրանք զետեղված են «Հեքիաթներ տղաների համար»գրքույկում: Այն երրորդ հորիզոնակում է:
Բոլոր ժամանակների ամենաընթերցվող հեղինակներից մեկի`Հովհաննես Թումանյանի «Հեքիաթներ»ժողովածուն չորրորդում է: Այն լույս է ընծայել «Արևիկ» հրատարակչությունը: Թումանյանի գործերը պահանջված են բոլոր սերունդների կողմից, դրանք հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
Մեծերը փոքրիկների համար գնել են նաև «Շաղգամը» գիրք-փազլը, որի արդյունքում այն հայտնվել է հինգերորդ հորիզոնականում: Հեքիաթի առանցքում համատեղ ուժերով նպատակին հասնելու գաղափարն է: Շաղգամը հողից հանելու համար պապիկին օգնության հասած թոռնիկին են միանում շունը, կատուն, անգամ մուկը:
Մանկական բեսթսելերի վեցերորդ տեղում«Արևիկ» հրատարակչության ՀանսՔրիստիանԱնդերսենի«Հեքիաթներ»գիրքնէ:Այս հեքիաթները քաջ հայտնի են բոլոր փոքրիկներին ոչ միայն գրքի, այլ նաև մուլտֆիլմերի ու ֆիլմերի տեսքով, քանի որ դրանց զգալի մասն էկրանավորվել է:
Զանգակ հրատարակչության «Լինում է, չի լինում» պատկերազարդ հեքիաթները յոթերորդում են: Հանս Քրիստիան Անդերսենի, Գրիմ եղբայրների, Շառլ Պերոյի, Գաբրիել դը Վիլնյովի հեքիաթների հերոսները փոքրիկների ամենասիրելիներն են: Այս հեքիաթների նոր նկարազարդումներն էլ ավելի հետաքրքիր են դարձնում ընթերցումը:
Ութերորդ տեղում «Լավ հեքիաթներ խելացի երեխաների համար» եռահատորյակն է: Այն լույս է ընծայել «Էդիթ Պրինտ» հրատարակչությունը:
Ալեքսանդր Պուշկինի` «Հեքիաթձկնորսիևձկանմասին»վերնագրով հեքիաթների ժողովածուն իններորդում է: Այն ընդգրկում է նաև «Քնած գեղեցկուհու և յոթ քաջերի հեքիաթը»:
Մանկական բեսթսելերը եզրափակում է Յոհաննա Սփիրի «Հայդի» ստեղծագործությունը: Փոքրիկ Հայդիին կյանքը շվեյցարական լեռնային գյուղակում ամենօրյա տոն է թվում: Աղջնակը սիրում է իր մենակյաց պապին, մեկ առ մեկ ճանաչում է գյուղի բոլոր այծիկներին, իսկ այծարած Փեթերի տանը նրան շրջապատում են գորովանքով ու սիրով: Սակայն Հայդին շուտով ստիպված է հրաժեշտ տալ սիրած վայրին: Նրան մի նոր կյանք է սպասում Ֆրանկֆուրտում` անվասայլակին գամված Քլարայի ընկերակցությամբ:
Վարկանիշային աղյուսակի կազմման հարցումներին մասնակցել են «Նոր գիրք» (093-60-40-64), «Հայ գիրք» (54-07-06), «Բուկինիստ» (53-74-13) և «Զանգակ» (23-26-49) գրախանութները: Հարցման ժամանակ հաշվի չեն առնվել դասագրքերը:
| Տեղ | Գիրք | Հրատ. | Քանակ | |
| 1 |
«Հեքիաթներ արքայադուստրերիմասին» |
Բուկինիստ | 90 | |
| 2 |
«Հեքիաթներբարու ևչարիմասին» |
Բուկինիստ 2015 |
90 | |
| 3 |
«Հեքիաթներ տղաներիհամար» |
Բուկինիստ | 84 | |
| 4 |
ՀովհաննեսԹումանյան «Հեքիաթներ» |
Արևիկ | 80 | |
| 5 |
«Շաղգամը» գիրք-փազլ |
Բուկինիստ | 50 | |
| 6 |
Հանս Քրիստիան Անդրեսեն «Հեքիաթներ» |
Արևիկ | 40 | |
| 7 |
«Լինումէչիլինում» պատկերազարդհեքիաթներ |
Զանգակ | 35 | |
| 8 |
«Լավ հեքիաթներ խելացի երեխաների համար» |
Էդիթ Պրինտ | 30 | |
| 9 |
«Հեքիաթձկնորսի ևձկանմասին» |
Բուկինիստ | 28 | |
| 10 |
ՅոհաննաՍփիրի «Հայդի» |
Զանգակ | 26 |
«Մանկական բեսթսելերը» ներկայացրեց Անի Նազարյանը