398.94
Մտավորականների կոչն ուղղված է արյունահեղության բացառմանը. Էդուարդ Թոփչյան
1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Մտավորականների կոչն առ այն, որ ՀՀ պարեկապահակային գնդի տարածք ներխուժած զինված անձինք վայր դնեն զենքերը ունի արյունահեղությունից խուսափելու նպատակ: Այս մասին «Արմենպրես»-ի հետ զրույցում նշեց ՀՀ արվեստի վաստակավոր գործիչ, ականավոր դիրիժոր Էդուարդ Թոփչյանը:
«Նամակի տակ ստորագրելու նպատակն այն է, որ բոլոր հարցերը լուծվեն առանց արյունահեղության: Հիմնական նպատակն այն է, որ գտնվի խոհեմ ճանապարհ` առանց արյունահեղության»,- նշեց Թոփչյանը:
Նա կարևորեց այն հանգամանքը, որպեսզի զենքերը վայր դրվեն և գտնվի խոհեմ ճանարհ, որի արդյունքում որևէ հայ չի տուժի:
«Վստահ եմ, որ անհրաժեշտության դեպքում մեր մտավորականների մեծ մասը կաջակցի հաշտեցման այդ ձևը»,- ասաց դիրիժորը:
Բաժանորդագրվեք մեր ալիքին Telegram-ում