Անդրեյ Շևչենկոն կլինի Ուկրաինայի հավաքականի նոր գլխավոր մարզիչը

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Ուկրաինայի ֆուտբոլի ֆեդերացիան հայտարարել է հավաքականի ղեկին նոր գլխավոր մարզչի նշանակման մասին: Ուկրաինական ֆուտբոլի լեգենդ Անդրեյ Շևչենկոն կլինի Ուկրաինայի հավաքականի նոր գլխավոր մարզիչը: Ուկրաինայի ֆուտբոլի ֆեդերացիայի գործադիր կոմիտեն միաձայն կողմ է քվեարկել «Միլան»-ի լեգենդար հարձակվողի թեկնածության օգտին:

«Արմենպրես»-ը հայտնում է, որ այս մասին գրում է Ուկրաինայի ֆուտբոլի ֆեդերացիայի պաշտոնական կայքը:

Անդրեյ Շևչենկոյի հետ պայմանագիրը կգործի 2 տարով, հետագայում ևս 2-ով երկարաձգելու պայմանով: