KFC-ն տապակած ճտի համով եղունգների լաք է առաջարկել

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: KFC արագ սննդի կետերի ցանցը, որը մասնագիտանում Է հավից պատրաստված ճաշատեսակների բնագավառում, տապակած ճտի համով եղունգների լաք Է թողարկել երկու տարբերակով՝ Original («Օրիգինալե) եւ Hot & Spicy («Սուր համեմունքներովե). Կոսմետիկական միջոցի թեստային խմբաքանակն առայժմ վաճառքի Է հանվել միայն Հոնկոնգում, հաղորդում Է «Արմենպրես»-ը՝ հղում անելովAdweek-ին:

«Եղունգների ուտելի լաքի բաղադրատոմսը բացառիկ Է եւ հատուկ ստեղծվել Է, որպեսզի պահպանվի համը: Սակայն այն նաեւ եղունգների սովորական փայլուն լաքի տեսք ունի»,-ասել Է Ջոն Կոյը՝ Ogilvy գովազդային գործակալության կրեատիվ տնօրենը, որն զբաղվում Է արտադրանքի առաջմղմամբ:

Բեժագույն կամ նարնջագույն երանգով լաքը, որը պատրաստված Է բնական բաղադրատարրերից, քսելուց հետո արագորեն չորանում Է եւ որոշ ժամանակ պահպանում Է իր համային հատկությունները:

KFC-ն արագ սնունդի կետերի ցանց Է, որը 1930 թվականին հիմնադրվել Է Քենթուկիի նահանգում (ԱՄՆ) ձեռնարկատեր Հառլանդ Սանդերսի կողմից: Մասնագիտանում Է հավից պատրաստված ճաշատեսակների բնագավառում, ինչպես նաեւ առաջարկում Է կարտոֆիլ-ֆրի, պաղպաղակ եւ անուշեղեն: