ՆԱՏՕ-ի գլխավոր քարտուղարի տեղակալը ԼՂ հակամարտության կարգավորումը տեսնում է միայն խաղաղ ճանապարհով

ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: ՆԱՏՕ-ի գլխավոր քարտուղարի տեղակալ Ալեքսանդր Վերշբոուն Բրյուսելում հանդիպել է ՀՀ պաշտպանության նախարարի առաջին տեղակալ Դավիթ Տոնոյանին: Հանդիպման ընթացքում կողմերը խոսել են Լեռնային Ղարաբաղի հակամարտության կարգավորման մասին: Ինչպես հաղորդում է «Արմենպրես»-ը, այս մասին թվիթերյան իր միկրոբլոգում գրառում է կատարել Վերշբոուն:

«Հաճելի է հանդիպել ՀՀ պաշտպանության նախարարի առաջին տեղակալ Դավիթ Տոնոյանին: Լեռնային Ղարաբաղի հակամարտությունը չի կարող ռազմական կարգավորում ունենալ: ԼՂ հակամարտությունը առաջնահերթ պահանջում է լարվածության թոթափում և դիվանագիտական առաջընթաց` ԵԱՀԿ Մինսկի խմբի հովանու ներքո»,- նշել է ՆԱՏՕ-ի գլխավոր քարտուղարի տեղակալը:

Good to meet #Armenia First Dep DefMin Davit Tonoyan. There can be no military solution to #NagornoKarabakh conflict pic.twitter.com/EPmyfUgAaY

— Alexander Vershbow (@NATOdsg) 21 апреля 2016 г.

#NagornoKarabakh conflict urgently requires de-escalation and diplomatic progress under the auspices of #OSCE Minsk Group co-chair.

— Alexander Vershbow (@NATOdsg) 21 апреля 2016 г.