3 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: «Արմենպրես» լրատվական գործակալությունը Լրատվական ռադիոյի եթերում ներկայացնում է այն ամենն, ինչի մասին կկարդաք, կլսեք ու կտեսնեք այսօրվա լրահոսում:
ՀՀ կառավարության ընդունելությունների տանն այսօր` ապրիլի 14-ին, կկայանա Եվրասիական տնտեսական միության անդամ-պետությունների մրցակցության և հակամենաշնորհային հարցերով հերթական նիստը: Հայաստան կժամանի ավելի քան 30 հոգանոց պատվիրակություն, որի կազմում են նաև ԵՏՄ անդամ բոլոր պետությունների մրցակցային մարմինների ղեկավարները, այդ թվում, ՌԴ դաշնային հակամենաշնորհային ծառայության ղեկավար Իգոր Արտեմևը:
Գնահատվել են Հայաստանում քաղաքացիական հասարակության կազմակերպությունների կարողությունների զարգացման կարիքները, այսօր էլ ամփոփվում են արդյունքները: Սպասվող քննարկում-խորհրդակցությանը քաղաքացիական հասարակության դերի և նշանակության մասին կխոսի ՀՀ-ում ԵՄ պատվիրակության ղեկավար, դեսպան Պյոտր Անտոնի Սվիտալսկին և Պոդլասկայի շրջանային զարգացման հիմնադրամի նախագահ Անդրեյ Պարաֆինյուկը:
Հայաստանում են Իսրայելից ժամանած մտավորականներ, ովքեր իրենց ավանդն են ունեցել Հայոց ցեղասպանությունը ճանաչելու գործում : Ամերիկյան համալսարանում հանրային դասախոսությամբ հանդես կգա ԱՄՆ պետքարտուղարի խորհրդական Վոն Թուրեկյանը: Հայազգի գիտնականի հանրային դասախոսության թեման է` «Գիտության դիվանագիտություն. նշանակությունը եւ հաջողության գործոնները»:
Թուրքական, քրդական, իսլամական գործոններն ի՞նչ դերակատարություն են ունեցել ղարաբաղյան չորսօրյա պատերազմի ընթացքում : ԵՊՀ հայ-քրդական առնչությունների բաժնի ղեկավար, պ.գ.թ., դոցենտ, թուրքագետ, քրդագետ Վահրամ Պետրոսյանը, պ.գ.թ. իրանագետ Ռուդիկ Յարալյաննը, պ.գ.թ. արաբագետ Սարգիս Գրիգորյանը կանդրադառնան թեմային:
Ռուսաստանի կողմից Ադրբեջանին զենք վաճառելու գործընթաց, Արցախի անկախության հնարավոր ճանաչում, հայկական կողմի անելիքներ: Այս և այլ թեմաների վերաբերյալ իրենց դիտարկումները կներկայացնեն «Նոր Հայաստան» հանրային փրկության ճակատի քաղաքական խորհրդի անդամ, Շուշիի առանձնակի գումարտակի հրամանատար Ժիրայր Սէֆիլյանը, Կովկասի ինստիտուտի տնօրեն, քաղաքագետ Ալեքսանդր Իսկանդարյանը և այլ գործիչներ :
Այս և այլ թեմաների մասին կարող եք մանրամասն ընթերցելarmenpress.amկայք էջում և լսել լրատվական ռադիոյի եթերում: Հետևեք մեզթվիթերումևֆեյսբուքում: