Ադրբեջանը շարունակում է հրետակոծել Մարտակերտը

ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Ադրբեջանական զինուժն այս պահի դրությամբ «ՄՄ-21» Գրադ կայանքներով ու 152-մմ հրետանիով արկակոծում է Մարտակերտը: Ինչպես հաղորդում է «Արմենպրես»-ը, այս մասին Մարտակերտ շրջկենտրոնից քիչ առաջ հեռախոսով հայտնեց Ստեփանակերտում գործող «Արցախպրես» լրատվական գործակալության թղթակիցը:

«Արցախպրես»-ի տեղեկացմամբ` թշնամու հրետակոծությունից շրջկենտրոնում վնասվել են առաձնատներ, ծառեր, ինչպես նաև քաղաքը սնուցող գազատար խողովակներ:

«Բնակիչները ապաստարաններում են, ամբողջությամբ խաթարված է շրջկենտրոնի խաղաղ կյանքը, ադրբեջանական կողմն այս պահին անընդհատ հրետակոծության տակ է պահում Մարտակերտ քաղաքը»,- նշել է «Արցախպրես»-ի թղթակիցը: