ՖԻՖԱ-ի նորընտիր նախագահը Ցյուրիխում բացել է կազմակերպության թանգարանը

2 րոպեի ընթերցում

ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Ջանի Ինֆանտինոն, ով փետրվարի 26-ին ընտրվել է Միջազգային ֆուտբոլի ֆեդերացիաների միության` ՖԻՖԱ-ի նախագահի պաշտոնում, Ցյուրիխում կազմակերպության թանգարան է բացել: «Արմենպրես»-ի հաղորդմամբ` ինչպես տեղեկացնում է ՏԱՍՍ-ը, այս իրադարձությունն առաջին պաշտոնական միջոցառումն է ՖԻՖԱ-ի նորընտիր նախագահի համար:

«Թանգարանի բացումը կարևոր իրադարձություն է ինչպես ֆուտբոլի պատմության, այնպես էլ ինձ համար, քանի որ սա առաջին միջոցառումն է, որին ես մասնակցում եմ որպես ՖԻՖԱ-ի նախագահ: Թանգարանի բացման մտահղացումը ՖԻՖԱ-ի նախկին նախագահ Յոզեֆ Բլատերինն է, իսկ ես իմ հերթին ուրախ եմ, որ նրա այս գաղափարը հնարավոր եղավ իրականություն դարձնել»,-ասել է Ինֆանտինոն:

«ՖԻՖԱ-ի նախագահ լինելը աննկարագրելի զգացողություն է: Ինչից եմ ես վաղն սկսելու իմ աշխատանքային օրը՞. այդ մասին կխոսենք վաղը: Այսօր մենք կբացենք թանգարանը: Իսկ իրականում մեր գլխավոր խնդիրը ՖԻՖԱ-ի կողմից հաստատված փոփոխությունների պլանն ինչքան հնարավոր է շուտ մեկնարկել է»,-ավելացրել է նա:

Ֆուտբոլի պատմությանը նվիրված ավելի քան 1000 ցուցանմուշները տեղակայված են մոտ 3 հազար քառակուսի մետր տարածքում: ՖԻՖԱ-ն թանգարանի շինարարության գործում ներդրել է 30 մլն շվեյցարական ֆրանկ: Բացի ցուցանմուշներից, թանգարանում կա նաև գրադարան, սպորտբար, սրճարան, կինոթատրոն և պինբոլի համար նախատեսված հսկայական տարածք: Նոր թանգարանի ցուցանմուշների շարքում իրենց արժանի տեղն են զբաղեցնում նաև տարբեր տարիների չեմպիոնների նվաճած գավաթները:

Հայերեն Русский

«Ներառականությունը մշակութային կրթության ոլորտում» ծրագիրն ամփոփիչ փուլում է. դասընթացներն անցկացվում են Երևանում և Սյունիքի մարզում

Մեծ Բրիտանիան և Եվրամիությունը վերագործարկել են հարաբերությունները մի շարք համաձայնությունների ձեռքբերմամբ

Երեխաների իրավունքների պաշտպանությունը պետք է ապահովվի նաև թվային միջավայրում. ՀՀ ՄԻՊ

Հայաստանի ԱԳՄԱ նախարարությունը ցավակցել է Թբիլիսիի Փոնիճալա թաղամասում պայթյունի հետևանքով զոհերի ընտանիքներին

Հայաստան–Հունաստան համագործակցության ամենաբովանդակալից էջերը դեռ կարող են գրվել գալիք տարիներին․ դեսպան Տիգրան Մկրտչյանի հարցազրույցը «Պրոինոս Լոգոս» օրաթերթին

Բացահայտվել են աննախադեպ քանակի ծխախոտային արտադրանքի անօրինական տեղափոխման դեպքեր

Փաշինյանը հայտարարել է՝ նոր Սահմանադրությամբ առաջարկում են պատերազմի ԴՆԹ-ն փոխարինել խաղաղության, զարգացման և անկախության ԴՆԹ-ով

Իտալիայում համընդհանուր գործադուլ է կազմակերպվել կառավարության քաղաքականության դեմ

Պուտինը Ռահմոնի հետ քննարկել է Տաջիկստանում ռուսական ռազմակայանի գործունեության հարցը

Digitec-ը դարձել է Հայաստանի տեխնոլոգիական ապագայի մասին խոսելու կարևոր հարթակ․ Դավիթ Թադևոսյան