1 րոպեի ընթերցում
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Շուրջ 300 տարվա պատմություն ունեցող հայկական եկեղեցին Թուրքիայում վաճառքի է հանվել: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Առքուվաճառքի sahibinden.com կայքում տեղադրվել է հայտարարություն, որտեղ նշվում է Թուրքիայի հյուսիս-արևելյան շրջանում՝ Բուրսայում վաճառվում է «եռահարկ շինություն»: Վաճառողները հայկական եկեղեցու համար պահանջում են 1,5 միլիոն ԱՄՆ դոլար:
Առքուվաճառքով զբաղվող գործակալ Թայֆուն Օզենգիրլերը հայտնել է, որ շինությունը 1986 թվականին գրանցվել է որպես պատմական կառույց: «Այն տարածքը, որտեղ գտնվում է եկեղեցին, ժամանակին բնակեցված է եղել հայերով: Դու կարող ես ամեն անկյունից զգալ պատմության շունչը»,- ասել է նա:
Օզենգիրլերը հայտնել է, որ հայտարարության հետքերով շատ հարցումներ է ստացել: «Ոչ ոք չի համաձայնվել առաջարկվող գնի հետ, բայց մենք կանենք առավելագույնը վաճառողների համար»,- նշել է նա: