5 րոպեի ընթերցում
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ:«Արմենպրես»լրատվական գործակալության «Մանկական բեսթսելեր» հեղինակային նախագիծն ամփոփում է 2015 թվականի դեկտեմբեր ամսվա ցուցանիշները: «Արմենպրես»-ը որոշել է մանկական գրքերի վարկանիշային աղյուսակն ընթերցողներին ներկայացնել ամիսը մեկ անգամ:
Դեկտեմբերիառաջատարը«Էդիթ պրինտ»հրատարակչության«Աշխարհիիմաստունհեքիաթներ»ժողովածուն է: Ժողովածուում ընդգրկված են տարբեր ժողովուրդների և հեղինակային քառասուն ընտիր հեքիաթներ, որոնցից շատերն առաջին անգամ են թարգմանվել հայերեն: Գրքում ներկայացված հեքիաթները ներառում են դարերից եկած, ժողովուրդների կենսափորձով հաստատված և այժմ էլ իրենց արդիականությունը պահպանած ճշմարտություններ ու արժեքներ: Այս հեքիաթներից յուրաքանչյուրը մի ուրույն աշխարհ է, որի բացահայտումը հնարավորություն է տալիս հայտնաբերել իմաստության նոր շերտեր կամ վերահաստատել դրանք, վերագտնել մեր մեջ հեքիաթը:
«Զանգակ»հրատարակչության«100դասականհեքիաթներ»ժողովածուն երկրորդ հորիզոնականում է:Գրքում տեղ են գտել սիրված դասական գրողների հեքիաթները, մեզ հասած առասպելները: Հեքիաթների հայտնի հերոսները 4-9 տարեկան երեխաների համար կյանքը գրավիչ են դարձնում: Ժողովածուն ընդգրկում է այնպիսի սիրված հեքիաթներ, ինչպիսիք են «Թագավորի նոր հագուստը», «Մոխրոտը», «Ջրահարսը»... Յուրաքանչյուր հեքիաթ պատկերազարդված էգունագեղ նկարներով:
«Էդիթ Պրինտի» մանկական«Արև,արև,եկ,եկ»բանաստեղծությունների ժողովածուն, որում ընդգրկված են տարբեր սերունդների ներկայացուցիչ հայ մանկագիրների գործերը, երրորդ հորիզոնականում է:
«Հայ ժողովրդական առակներ»ժողովածուն չորրորդն է: Ժողովածուում ընդգրկվել են դասական՝ այլաբանական առակներ, որոնց հերոսները մեծ մասամբ կենդանիներ են, առակատիպ ժողովրդական զրույցներ, հեքիաթատիպ առակներ:
«Արքայադուստր Լինդան», «Կեռնեխ թագավորը» և «Ոսկեծամիկը» հեքիաթները դաստիարակչական են, անչափ հուզիչ և գեղեցիկ:«Հեքիաթներարքայադուստրերիմասին»գիրքը հինգերորդ հորիզոնականում է:
«Մանկական բեսթսելեր»-ի հաջորդ հորիզոնականում«Երեքխոզուկ»մանկական հեքիաթն է: Գիրքը հնարավորություն է տալիս փոքրիկներին ծանոթանալու երեք խոզուկների արկածներին:
Յոթերորդ հորիզոնականում«ՓոքրիկԱրա,ականջարա»գիրքն է: Սիլվա Կապուտիկյանի մանկական բանաստեղծությունները տասնամյակներ շարունակ եղել են ոչ միայն հայ, այլև օտարազգի ընթերցողի ուղեկիցը, տարբեր սերունդների բազմահազար մանուկների հոգում սերմանել բարին, վեհն ու գեղեցիկը:
Ա.Ս.Պուշկինի` «Հեքիաթձկնորսիևձկանմասին»վերնագրով հեքիաթների ժողովածուն ութերորդն է: Այն ընդգրկում է նաև «Քնած գեղեցկուհու և յոթ քաջերի հեքիաթը»:
«Ագահ Մեդոկը», «Ֆինվարայի կախարդական գավաթը» և «Հավեյն ասպետի պսակադրությունը» կսովորեցնեն տղաներին լինել քաջ, բարի, մեծահոգի և հնարամիտ: Դրանք զետեղված են«Հեքիաթներ տղաների համար»գրքույկում, որն իններորդն է:
Վերջին տեղում է GSM հրատարակչության`ՀանսՔրիստիանԱնդերսենի«Հեքիաթներ»-ը: Անդերսենյան հեքիաթներըքաջ հայտնի են բոլոր փոքրիկներին ոչ միայն գրքերից, այլ նաև մուլտֆիլմերից ու լիամետրաժ խաղարկային ֆիլմերից:
Վարկանիշային աղյուսակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06), «Բուկինիստ» (53-74-13) և «Զանգակ» (23-25-28) գրախանութները: Հարցման ընթացքում հաշվի չեն առնվել դասագրքերը:
| Տեղ | Գիրք | Հրատ. | Քանակ | |
| 1 | «Աշխարհի իմաստուն հեքիաթներ» | Էդիթ պրինտ | 240 | |
| 2 | «100 դասական հեքիաթներ» | Զանգակ | 155 | |
| 3 | «Արև, արև, եկ, եկ» | Էդիթ պրինտ | 110 | |
| 4 | «Հայ ժողովրդական առակներ» | Էդիթ պրինտ | 70 | |
| 5 | «Հեքիաթներ արքայադուստրերի մասին» | Բուկինիստ | 68 | |
| 6 | «Երեք խոզուկ» | GSM | 67 | |
| 7 |
Սիլվա Կապուտիկյան «Փոքրիկ Արա, ականջ արա» |
Էդիթ պրինտ | 60 | |
| 8 |
Ա.Ս.Պուշկին «Հեքիաթ ձկնորսի և ձկան մասին» |
Բուկինիստ | 57 | |
| 9 | «Հեքիաթներ տղաների համար» | Բուկինիստ | 53 | |
| 10 |
Հանս Քրիստիան Անդերսեն «Հեքիաթներ» |
GSM | 52 |
«Մանկական բեսթսելեր»-ը ներկայացրեց Ռոզա Գրիգորյանը