1 րոպեի ընթերցում
ԵՐԵՎԱՆ, 8 ՀՈՒՆՎԱՐԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը հունվարի 8-ին Ասկերան քաղաքի Սուրբ Աստվածածին եկեղեցում մասնակցել է քաղաքի բնակչուհի Զմրուխտ Գեւորգյանի 100-ամյա հոբելյանին նվիրված տոնական միջոցառմանը:
Ինչպես «Արմենպրես»-ին տեղեկացրին Արցախի հանրապետության նախագահի աշխատակազմի տեղեկատվության գլխավոր վարչությունից, նախագահը կարեւորել է նման միջոցառումները՝ հավելելով, որ այսուհետ էլ շարունակվելու են իրականացվել առողջապահական, սոցիալական եւ տնտեսական համալիր ծրագրեր՝ ուղղված քաղաքացիների կենսամակարդակի եւ կյանքի տեւողության ցուցանիշների բարձրացմանը:
Միջոցառմանը մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, բարձրաստիճան մի շարք պաշտոնյաներ: