Պան Գի Մունը հուսով է, որ Սարգսյանի եւ Ալիեւի հանդիպումը կմոտեցնի ԼՂ խաղաղ գործընթացը

1 րոպեի ընթերցում

ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի գլխավոր քարտուղար Պան Գի Մունը հույս է հայտնել, որ Հայաստանի եւ Ադրբեջանի նախագահների հանդիպումը կմոտեցնի Լեռնային Ղարաբաղի հակամարտության կարգավորման խաղաղ գործընթացին: Այս մասին տեղեկացնում Է «Արմենպրես»-ը` վկայակոչելով «ՌԻԱ Նովոստի»-ն:

Հայաստանի եւ Ադրբեջանի նախագահներ Սերժ Սարգսյանը եւ Իլհամ Ալիեը դեկտեմբերի 19-ին բանակցություններ են վարել Բեռնում:

«Գլխավոր քարտուղարը կարծում է, որ գագաթնաժողովը երկու կողմերին հնարավորություն ընձեռեց քննարկելու հրադադարի ռեժիմի խախտումների եւ քաղաքացիական բնակչության շրջանում զոհերի թվի նվազեցմանն ուղղված գործնական քայլերը, որպեսզի մոտեցնեն խաղաղ գործընթացը»,- ասված է համաշխարհային կազմակերպության ղեկավարի հայտարարության մեջ:

Պան Գի Մունը նաեւ ընդգծել է ԵԱՀԿ Մինսկի խմբի համանախագահների գործունեությունը, որոնք կազմակերպել էին Շվեյցարիայի գագաթնաժողովը: Նա հորդորել է Բաքվին եւ Երեւանին Մինսկի խմբի հետ սերտորեն համագործակցել լարվածության հետագա թուլացման շուրջ, ինչպես նաեւ ձեռնպահ մնալ այնպիսի գործողություններից, որոնք կարող են հանգեցնել նոր բռնությունների:

Բաժանորդագրվեք մեր ալիքին Telegram-ում