368.54
Էրդողանը հույս ունի, որ Նազարբաևը կմիջնորդի հանդիպել Պուտինի հետ
1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հերթական անգամ հայտնել է ՌԴ նախագահ Վլադիմիր Պուտինի հետ հանդիպելու պատրաստակամության մասին: Այս մասին Էրդողանն ասել է Ղազախստանի նախագահ Նուրսուլթան Նազարբաևի հետ հեռախոսազրույցի ժամանակ: Ինչպես հաղորդում է «Արմենպրես»-ը՝ վկայակոչելով Ղազախստանի նախագահի պաշտոնական կայքը, հեռախոսազրույցը կայացել է թուրքական կողմի նախաձեռնությամբ:
Երկու երկրի ղեկավարները մտքեր են փոխանակել երկկողմ հարաբերությունների ներկա վիճակի և դրանց զարգացման հեռանկարների վերաբերյալ: Նախագահները խոսել են նաև սիրիական ճգնաժամի և ռուսական Սու-24 ինքնաթիռի կործանման թեմայով:
Ղազախստանի նախագահն ափսոսանք է հայտնել կատարվածի առնչությամբ, ինչպես նաև նշել, որ մտահոգված է ռուս-թուրքական հարաբերությունների վատթարացմամբ: Նազարբաևը ստեղծված իրադրությունից ելք գտնելու համար առաջարկել է ռուս-թուրքական հանձնաժողով ստեղծել, որը կուսումնասիրի միջադեպի մանրամասները:
Իր հերթին Էրդողանն ընդգծել է ամենամոտ ժամանակներս Ռուսաստանի նախագահ Վլադիմիր Պուտինի հետ հանդիպելու պատրաստակամությունը:
Նազարբաևը հույս է հայտնել, որ կողմերը կօգտագործեն բոլոր հնարավոր միջոցներն իրավիճակի լարվածությունը թոթափելու համար:
Բաժանորդագրվեք մեր ալիքին Telegram-ում