Էդուարդ Թոփչյանը ելույթ կունենա Մալագայի ֆիլհարմոնիկ նվագախմբի հետ

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ:Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը ելույթ կունենա Մալագայի ֆիլհարմոնիկ նվագախմբի հետ: «Արմենպրես»-ի փոխանցմամբ` conciertosaugusto.com կայքը տեղեկացնում է, որ մաեստրո Թոփչյանը կղեկավարի Málaga Philharmonic նվագախումբը նոյեմբերի 6-ին և 7-ին կայանալիք համերգներին:

Ծրագրում կհնչեն Ն. Ռիմսկի-Կորսակովի և Պ.Ի. Չայկովսկու գործերը: Համերգները տեղի կունենան իսպանական Teatro Cervantes սրահում: