Ադրբեջանական կողմը հայ դիրքապահների ուղղությամբ արձակել է ավելի քան 1400 կրակոց. ԼՂՀ ՊՆ
1 րոպեի ընթերցում
![Ադրբեջանական կողմը հայ դիրքապահների ուղղությամբ արձակել է ավելի քան 1400 կրակոց. ԼՂՀ ՊՆ](http://armenpress.am/resized/480/static/news/b/2015/10/821332.jpg)
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ղարաբաղա-ադրբեջանական հակամարտ զորքերի շփման գծում հոկտեմբերի 7-ին և լույս 8-ի գիշերը հակառակորդի կողմից հրադադարի պահպանման ռեժիմը խախտվել է շուրջ 110 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 1400 կրակոց:
Ինչպես «Արմենպրես»-ին տեղեկացրին ԼՂՀ պաշտպանության նախարարության մամուլի ծառայությունից, պաշտպանության բանակի առաջապահ ստորաբաժանումները վստահորեն իրականացնում են իրենց առջև դրված մարտական խնդիրը և պատասխան գործողությունների դիմում միայն խիստ անհրաժեշտության դեպքում: