2 րոպեի ընթերցում
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Զորրոն, որը հանդիսատեսներին հայտնի Է որպես դիմակավոր հերոս, ով օգնության Է հասնում Նոր Իսպանիայի ընչազուրկ բնակիչներին, կրկին կվերադառնա մեծ Էկրաններ: Lantica Media եւ Sobini Films կինոընկերությունները հայտարարել են կինոնկարի նախապատրաստական աշխատանքների մասին, որն ստացել Է «Զորոն վերածնվում Է» անվանումը, հաղորդում Է «Արմենպրես»-ը՝ հղում անելով Vanity Fair-ին:
Ֆիլմի գործողությունը տեղի Է ունենալու Կալիֆոռնիայում, ինչպես եւ սկզբնաղբյուրում՝ Ջոնսթոն Մաքքալիի 1920-ական թվականների արկածային գրքերում: Փոխվելու Է գործողության ժամանակը. հեղինակները հերոսին տեղափոխելու են մոտ ապագա՝ ստեղծելով աշխարհի վախճանից հետո Զորրոյի մասին պատմության տարբերակը:
Ինչպես նշում Է The Hollywood Repoter-ը, նկարահանումները կսկսվեն 2016 թվականի մարտին Դոմինիկյան Հանրապետության Pinewood ստուդիայում: Գլխավոր դերակատարին եւ ռեժիսորին դեռ չեն ընտրել:
«Յուրաքանչյուր սերունդ ունի իր Զորրոն, եւ մենք ուրախ ենք, որ նոր Զորրոյին ներկայիս սերնդին ներկայացնելու հնարավորություն ունենք»,-նշել Է Lantica Media-ի ղեկավար Անտոնիո Ջենարին:
Նախագիծն օտարերկրյա դիստրիբյուտորներին կներկայացնեն այս տարի Տորոնտոյում կայանալիք կինոփառատոնում:
Զորրոյի մասին նոր ֆիլմի նկարահանումների գաղափարն առաջին տարի չԷ, որ քննարկվում Է: Ավելի վաղ նախագիծը մշակման փուլում Էր գտնվում 20th Century Fox ստուդիայում, իսկ բեմադրիչներն Էին համարվում Բրայան Սինգերը, Հարի Ուիթան: Այժմ արտադրությամբ զբաղվում են Lantica Media-ն եւ Sobini Films-ը:
Այսօրվա դրությամբ վերոհիշյալ հերոսի մասնակցությամբ վերջին կինոֆիլմը Էկրան Է բարձրացել 2005 թվականին եւ կոչվել Է «Զորրոյի լեգենդը»: Այդ կինոնկարում գլխավոր հերոսի դերը խաղացել Է Անտոնիո Բանդերասը: Ֆիլմը 1998 թվականին թողարկված «Զորրոյի դիմակը» ժապավենի շարունակությունն Էր, որում նույնպես խաղացել Է Բանդերասը: