6 րոպեի ընթերցում
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծն ամփոփում է այս տարվա հունիս ամսվա ցուցանիշները: «Արմենպրես»-ը որոշել է մանկական գրքերի վարկանիշային աղյուսակն ընթերցողներին ներկայացնել ամիսը մեկ անգամ:
Հունիսի առաջատարը «Բուկինիստ»-ի «Ալվան ծաղիկը» հեքիաթն է: Երկրորդ հորիզոնականում է ՀովհաննեսԹումանյանիստեղծագործություններն ամփոփող «Հեքիաթների մոլորակ» ժողովածուն հինգերորդն է:
Բոլոր ժամանակների ամենաընթերցվող հեղինակներից մեկի`ՀովհաննեսԹումանյանի«Հեքիաթներ» ժողովածուն երրորդն է: Այն լույս է ընծայել«Կռունկ»հրատարակչությունը:Թումանյանի գործերը պահանջված են բոլոր սերունդների կողմից, դրանք հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:
Հայտնի բժշկի արկածներն ամփոփող«Այբոլիտ»հեքիաթը բեսթսելերի չորրորդ հորիզոնականում է: Հինգերորդ հորիզոնականն է զբաղեցնում «Բուկինիստ» հրատարակչության«Մաշան ու արջը. թռչող ցախավելը» գիրքն է: Ինչպես ժամանակակից մուլտֆիլմերի հիմք դարձած այլ հեքիաթներ, այնպես էլ «Մաշան ու արջը. թռչող ցախավելը» շատ կարճ ժամանակում գրավել է փոքրիկներին: Այն պատմում է փոքրիկ Մաշայի արկածների և կախարդական ցախավելի մասին: Այստեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար:
«Զանգակ»հրատարակչության«100դասականհեքիաթներ»ժողովածուն վեցերորդ հորիզոնականում է:Գրքում տեղ են գտել սիրված դասական գրողների հեքիաթները, մեզ հասած առասպելները: Հեքիաթային հայտնի հերոսները կյանքը գրավիչ են դարձնում 4-9 տարեկան երեխաների համար: Ժողովածուն ընդգրկում է այնպիսի սիրված հեքիաթներ, ինչպիսիք են «Թագավորի նոր հագուստը», «Մոխրոտը», «Ջրահարսը»... Յուրաքանչյուր հեքիաթ պատկերազարդված էգունագեղ նկարներով:
Համաշխարհային համբավ ունեցող գերմանացի հեքիաթագիրներԳրիմԵղբայրների«Հեքիաթներ»-ն(«Արևիկ» հրատարակչություն) այս ամիս յոթերորդ հորիզոնականում են: Նրանց հեքիաթներից շատերն էկրանավորվել են: Գրիմ Եղբայրների գործերում պատժվում են ծուլությունն ու անբանությունը, խրախուսվում աշխատասիրությունն ու ջանասիրությունը:Դրանց մեծ մասը գրված է իրական պատմությունների հիման վրա:
«Էդիթ պրինտ»հրատարակչության«Աշխարհիիմաստունհեքիաթներ»ժողովածուն ութերորդ հորիզոնականում է: Ժողովածուում ընդգրկված են տարբեր ժողովուրդների և հեղինակային քառասուն ընտիր հեքիաթներ, որոնցից շատերն առաջին անգամ են թարգմանվել հայերեն: Գրքում ներկայացված հեքիաթները ներառում են դարերից եկած, ժողովուրդների կենսափորձով հաստատված և այժմ էլ իրենց արդիականությունը պահպանած ճշմարտություններ ու արժեքներ: Այս հեքիաթներից յուրաքանչյուրը մի ուրույն աշխարհ է, որի բացահայտումը հնարավորություն է տալիս հայտնաբերել իմաստության նոր շերտեր կամ վերահաստատել դրանք, վերագտնել մեր մեջ հեքիաթը:
«Էդիթ Պրինտ»-ը վերահրատարակել է«Սասնա տուն»գիրքը: Հայ ժողովրդական դյուցազնավեպի Մկրտիչ Խերանյանի պատումը մանուկների համար համառոտ վերապատմում են Անժել Քյուրքչյանը և Լիլիթ Տեր-Գրիգորյանը:
ՂազարոսԱղայանի«Հեքիաթներ» ժողովածուն եզրափակում է աղյուսակը: Դասականի հեքիաթները թարգմանվել են աշխարհի տարբեր լեզուներով և սիրված գործեր դարձել շատ երկրներում: Այս ժողովածուն լույս է ընծայել«Արևիկ» հրատարակչությունը:
Վարկանիշային աղյուսակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06),«Էդիթ Պրինտ» (57-70-09), «Բուկինիստ» (53-74-13) և «Զանգակ» (23-25-28) գրախանութները: Հարցման ընթացքում հաշվի չեն առնվել դասագրքերը:
| Տեղ | Փոփ. | Գիրք | Հրատ | Քանակ | |
| 1 | * | «Ալվան ծաղիկը» | Բուկինիստ | 46 | |
| 2 | -3 |
Հովհաննես Թումանյան «Հեքիաթների մոլորակ» |
ՄՀՄ | 36 | |
| 3 | * |
Հովհաննես Թումանյան «Հեքիաթներ» |
Կռունկ | 32 | |
| 4 | -3 | «Այբոլիտ» | Բուկինիստ | 32 | |
| 5 | -4 | «Մաշան ու արջը. թռչող ցախավելը» | Բուկինիստ | 30 | |
| 6 | -2 | «100 դասական հեքիաթներ» | Զանգակ | 18 | |
| 7 | +3 |
Գրիմ Եղբայրներ «Հեքիաթներ» |
Արևիկ | 18 | |
| 8 | -2 | «Աշխարհի իմաստուն հեքիաթներ» | Էդիթ Պրինտ | 15 | |
| 9 | -1 | «Սասնա տուն» | Էդիթ Պրինտ | 12 | |
| 10 | -1 |
Ղազարոս Աղայան «Հեքիաթներ» |
Արևիկ | 10 |
Աստղանիշով նշված գրքերը ցանկ վերադարձածներն են:
«Մանկական բեսթսելեր»-ըներկայացրեցՌոզաԳրիգորյանը