Հալեպի 10 ծառեր կկրեն հայ նահատակների անունը
2 րոպեի ընթերցում
![Հալեպի 10 ծառեր կկրեն հայ նահատակների անունը](http://armenpress.am/resized/480/static/news/b/2015/06/808744.jpg)
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Հալեպի քրիստոնեաբնակ շրջանում հունիսի 12-ին տեղի կունենածառատունկ, որի ժամանակ տնկվելիք30 ծառերից 10-ը կկոչվեն հայ, 10-ը` տեղացի այլազգի քրիստոնյաների, 10-ը` իսլամ նահատակների անունով:Այս մասին «Արմենպրես»-ի հետ զրույցում հայտնեց Բերիո թեմի ազգային առաջնորդարանի խոսնակ Ժիրայր Ռեիսյանը` ավելացնելով, որ ծառատունկը տեղի կունենա Սիրիայի բնապահպանության նախարարության հովանավորությամբ՝ հայազգի նախարար Նազիրա Սարգիսի գլխավորությամբ, ով անձամբ ներկա կլինի արարողությանը:
Ծառատունկը տեղի կունենա Ազիզիե և Վիլլաներ թաղամասերի միջև գտվող պուրակում: Շրջանը քրիստոնեաբնակ է: «Այժմ աշխատանքներ են տարվում վաղը կայանալիք միջոցառման համար»,- նշեց Ռեիսյանը:
Ինչ վերաբերում է քաղաքի և, մասնավորապես, հայկական թաղամասերում տիրող իրավիճակին, Ռեիսյանը նշեց, որ ռումբերի պայթյունների ձայներ մերթ ընդ մերթ լսվում են, սակայն հայաշատ թաղամասերում իրավիճակը հանգիստ է, միջադեպեր տեղի չեն ունենում:
Հալեպ քաղաքը 2012թ. ամռանից ի վեր հայտնվել է կառավարական ուժերի և զինված տասնյակ խմբավորումների բախումների թիրախում:Բախումներնայնտեղմինչևօրսշարունակվումեն: Քաղաքի արևմտյանթաղամասերըգտնվում ենկառավարականուժերի,իսկարևելյան թաղամասերը`զինվածխմբավորումներիհսկողության տակ:
Սիրիական բանակն արդեն չորս տարի անընդմեջ պայքար է մղում տասնյակ զինված խմբավորումների դեմ՝ փորձելով երկրում վերականգնել կայունությունն ու անվտանգությունը: Բախումների զոհ է դարձել ավելի քան 220 հազար մարդ:Զոհվածհայերիթիվը գերազանցումէ100-ը: