Մանկական բեսթսելեր 3/4. Ապրիլին ծնողները բազմազան գրքեր են գնել փոքրիկների համար

ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծն ամփոփում է այս տարվա ապրիլ ամսվա ցուցանիշները:«Արմենպրես»-ը որոշել է մանկական գրքերի վարկանիշային աղյուսակն ընթերցողներին ներկայացնել ամիսը մեկ անգամ:

Ապրիլիառաջատարը«Բուկինիստ»հրատարակչության«Մաշանուարջը.թռչողցախավելը»գիրքն է: Ինչպես ժամանակակից մուլտֆիլմերի հիմք դարձած այլ հեքիաթներ, այնպես էլ «Մաշան ու արջը. թռչող ցախավելը» շատ կարճ ժամանակում գրավել է փոքրիկներին: Այն պատմում է փոքրիկ Մաշայի արկածների և կախարդական ցախավելի մասին: Այստեղ ներկայացվում է, թե ինչպես ավելը կարելի է օգտագործել ոչ միայն տուն մաքրելու, այլև տեղաշարժվելու համար: «Բուկինիստ»-ի«Ալվան ծաղիկը» հեքիաթը երկրորդ հորիզոնականում է:

Հայտնի բժիշկի արկածներն ամփոփող«Այբոլիտ»հեքիաթն էլ բեսթսելերի երրորդ հորիզոնականում է: Մեկ այլ՝«Մութն ընկել է, ուշ է արդեն»գիրք-հեքիաթն էլ չորրորդ հորիզոնականում է:

Բոլոր ժամանակների ամենաընթերցվող հեղինակներից մեկի`ՀովհաննեսԹումանյանի«Հեքիաթներ» ժողովածուն հինգերորդն է: Այն լույս է ընծայել«Արևիկ»հրատարակչությունը:Թումանյանի գործերը պահանջված են բոլոր սերունդների կողմից, դրանք հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:

ՂազարոսԱղայանի«Հեքիաթներ» ժողովածուն վեցերորդ հորիզոնականում է: Դասականի հեքիաթները թարգմանվել են աշխարհի տարբեր լեզուներով և սիրված գործեր դարձել շատ երկրներում: Այս ժողովածուն լույս է ընծայել«Արևիկ» հրատարակչությունը:

«Էդիթ պրինտ»հրատարակչության«Աշխարհիիմաստունհեքիաթներ»ժողովածուն յոթերորդ հորիզոնականում է: Ժողովածուում ընդգրկված են տարբեր ժողովուրդների և հեղինակային քառասուն ընտիր հեքիաթներ, որոնցից շատերն առաջին անգամ են թարգմանվել հայերեն: Գրքում ներկայացված հեքիաթները ներառում են դարերից եկած, ժողովուրդների կենսափորձով հաստատված և այժմ էլ իրենց արդիականությունը պահպանած ճշմարտություններ ու արժեքներ: Այս հեքիաթներից յուրաքանչյուրը մի ուրույն աշխարհ է, որի բացահայտումը հնարավորություն է տալիս հայտնաբերել իմաստության նոր շերտեր կամ վերահաստատել դրանք, վերագտնել մեր մեջ հեքիաթը:

«Զանգակ»հրատարակչության«100դասականհեքիաթներ»ժողովածուն ութերորդ հորիզոնականում է:Գրքում տեղ են գտել սիրված դասական գրողների հեքիաթները, մեզ հասած առասպելները: Հեքիաթային հայտնի հերոսները կյանքը գրավիչ են դարձնում 4-9 տարեկան երեխաների համար: Ժողովածուն ընդգրկում է այնպիսի սիրված հեքիաթներ, ինչպիսիք են «Թագավորի նոր հագուստը», «Մոխրոտը», «Ջրահարսը»... Յուրաքանչյուր հեքիաթ պատկերազարդված էգունագեղ նկարներով:

Իններորդ հորիզոնականում էՍուրեն Մուրադյանի կազմած«Մանկական գանձարանը», որն ամփոփում է Խ. Աբովյանի, Ղ. Աղայանի, Հ. Թումանյանի բանաստեղծություններից մինչև ժամանակակից մանկագիրների լավագույն ստեղծագործությունները:

Համաշխարհային համբավ ունեցող գերմանացի հեքիաթագիրներԳրիմԵղբայրների«Հեքիաթներ»-ն(«Արևիկ» հրատարակչություն) այս ամիս եզրափակում են աղյուսակը: Նրանց հեքիաթներից շատերն էկրանավորվել են: Գրիմ Եղբայրների գործերում պատժվում են ծուլությունն ու անբանությունը, խրախուսվում աշխատասիրությունն ու ջանասիրությունը:Դրանց մեծ մասը գրված է իրական պատմությունների հիման վրա:

Վարկանիշային աղյուսակի կազմման հարցումներին մասնակցել են «Նոր գիրք» (093-60-40-64), «Նոյյան տապան» (56-81-84), «Հայ գիրք» (54-07-06),«Էդիթ Պրինտ» (57-70-09), «Բուկինիստ» (53-74-13) և «Զանգակ» (23-25-28) գրախանութները: Հարցման ընթացքում հաշվի չեն առնվել դասագրքերը:

Տեղ	Գիրք		Հրատ	Քանակ
1		«Մաշան ու արջը. թռչող ցախավելը»	Բուկինիստ	109
2		«Ալվան ծաղիկը»	Բուկինիստ	65
3		«Այբոլիտ»	Բուկինիստ	63
4		«Մութն ընկել է, ուշ է արդեն»	Բուկինիստ	60
5		Հովհաննես Թումանյան «Հեքիաթներ»	Արևիկ	40
6		Ղազարոս Աղայան «Հեքիաթներ»	Արևիկ	31
7		«Աշխարհի իմաստուն հեքիաթներ»	Էդիթ Պրինտ	27
8		«100 դասական հեքիաթներ»	Զանգակ	15
9		«Մանկական գանձարանը»	Էդիթ Պրինտ	15
10		Գրիմ Եղբայրներ «Հեքիաթներ»	Արևիկ	15

«Մանկական բեսթսելեր»-ըներկայացրեցՌոզաԳրիգորյանը