368.59
Արցախի Նախագահն ընդունել է ՀՀ ԱԺ պատվիրակությանը
1 րոպեի ընթերցում
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ:Արցախի Հանրապետության Նախագահ Բակո Սահակյանը փետրավարի 20-ին ընդունել է ՀՀ Ազգային ժողովի պատվիրակությանը` խորհրդարանի գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի նախագահ Արտակ Դավթյանի գլխավորությամբ: Ինչպես «Արմենպրես»-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, քննարկվել են մշակույթի ոլորտում երկու հայկական պետությունների համագործակցությանը վերաբերող հարցեր:
Նախագահ Սահակյանը պահանջված է համարել նման ձեւաչափով` օրենսդիր եւ գործադիր մարմինների ներկայացուցիչների մասնակցությամբ հանդիպումների անցկացումը` հավելելով, որ այն թույլ է տալիս ավելի խորը պատկերացնել առկա խնդիրներն ու դրանց լուծման ուղիները:
Հանդիպմանը մասնակցել են ԼՂՀ ԱԺ փոխնախագահ Արթուր Թովմասյանը, ՀՀ մշակույթի նախարար Հասմիկ Պողոսյանը, ԼՂՀ մշակույթի եւ երիտասարդության հարցերի նախարար Նարինե Աղաբալյանը, պաշտոնատար այլ անձինք:
Բաժանորդագրվեք մեր ալիքին Telegram-ում