Միխայիլ Շվիդկոյը հայկական բանակի մարտունակությունը հայ-ռուսական ռազմական համագործակցության արդյունք է համարում
1 րոպեի ընթերցում
ԵՐԵՎԱՆ, 22 ՍԵՊՏԵՄԲԵՐի, ԱՐՄԵՆՊՐԵՍ: Հայաստանի և Ռուսաստանի միջև համագործակցությունը ռազմական ոլորտում գտնվում է բարձր և պատասխանատու մակարդակի վրա: Այս մասին Հայ-ռուսական բարեկամության խորհրդարանական ակումբի 7-րդ նիստի ժամանակ նշեց ՌԴ Նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյն՝ անդրադառնալով Ռուսաստանի կողմից Ադրբեջանին զենք վաճառելու վերաբերյալ ԱԺ անկախ պատգամավոր Խաչատուր Քոքոբելյանի դիտարկմանը: «Համաձայն եմ, որ շատ է խոսվում Ռուսաստանի կողմից Ադրբեջանին զենք վաճառելու մասին, սակայն, ես կարծում եմ, որ Հայաստանի ռազավարական հետաքրքրությունների շրջանակներում հայ-ռուսական համագործակցությունը շատ բարձր և պատասխանատու մակարդակի վրա է գտնվում»,- «Արմենպրես»-ի հաղորդամբ՝ ընդգծեց նա:
Շվիդկոյի խոսքով` այսօրՀայաստանը մարտունակ և պատրաստված բանակ ունի: «Այսօր Հայաստանի բանակն իսկապես մարտունակ է, և ես կարծում եմ, որ հայկական բանակի մարտունակությունը ևս արդյունք է ռազմական ոլորտում հայ-ռուսական բարձր մակարդակի համագործակցության»,- շեշտեց նա: